Սեպտեմբերի 27-ից սկսած՝ խաղաղ բնակչությանը թիրախավորելու թշնամու ձեռագիրը չի փոխվում․ Ստեփանակերտը՝ գիշերվա հրթիռակոծությունից հետո (լուսանկարներ)
Սեպտեմբերի 27-ից սկսած՝ խաղաղ բնակչությանը թիրախավորելու թշնամու ձեռագիրը չի փոխվում։ Այս մասին հայտնում են Արցախի ԱԻՊԾ-ից և ներկայացնում Ստեփանակերտում գիշերվա հրթիռակոծության հետևանքները լուսանկարներով։
Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։ Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում զոհվել է 2 քաղաքացիական անձ, Արցախում զոհվել է 49 քաղաքացիական անձ, վիրավորվել է 144 քաղաքացիական անձ։
Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։ Հայաստանում և Արցախում սեպտեմբերի 27-ին հայտարարվել է ռազմական դրություն։
Արդեն երեք անգամ հայտարարվել է մարդասիրական հրադադարի մասին, սակայն ադրբեջանական զինուժը խախտել է այն։