ՆԱՏՕ-ն առաջին անգամ Թուրքիային կոչ է արել օգտագործել իր ազդեցությունը՝ Լեռնային Ղարաբաղում լարվածությունը նվազեցնելու համար

ՆԱՏՕ-ն հինգշաբթի առաջին անգամ կոչ է արել Թուրքիային օգտագործել «իր զգալի ազդեցությունը տարածաշրջանում»՝ նվազեցնելու համար Լեռնային Ղրաբաղում տիրող լարվածությունը:

Ինչպես փոխանցում է ТАСС գործակալությունը, համապատասխան հայտարարություն է արել ՆԱՏՕ-ի գլխավոր քարտուղար Յենս Ստոլտենբերգը՝ Հյուսիսատլանտյան դաշինքի պաշտպանության նախարարների տեսաժողովի ավարտին կայացած ասուլիսում:

«Թուրքիան ՆԱՏՕ-ի արժեքավոր անդամ է, սակայն ակնկալում եմ, որ Թուրքիան կօգտագործի տարածաշրջանում իր զգալի ազդեցությունը, որպեսզի նվազեցնի Լեռնային Ղարաբաղում տիրող լարվածությունը»,- ասել է Ստոլտենբերգը:

Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։

Հոկտեմբերի 22-ի դրությամբ Արցախի զինուժը խոցել է հակառակորդի՝ 16 ուղղաթիռ, 23 ինքնաթիռ, 202 անօդաչու թռչող սարք, 580 միավոր զրահատեխնիկա, հիմնականում տանկեր, 86 ավտոտրանսպորտ, 10 զրահափոխադրիչ, 4 «ՏՕՍ-1Ա» ծանր հրանետային համակարգ, 4 «Սմերչ» և 1 «Ուրագան» տիպի համազարկային կրակի ռեակտիվ կայանքներ:

Հակառակորդն ունի ավելի քան 6459 զոհ։ Հայկական կողմից, նախնական տվյալներով, կա 874 զոհ։ Ադրբեջանի զինված ուժերը թիրախավորել է նաև Արցախի և Հայաստանի Հանրապետության զինվորական և քաղաքացիական ենթակառուցվածքները, որի հետևանքով Գեղարքունիքում զոհվել է 2 քաղաքացիական անձ, Արցախում զոհվել է 36 քաղաքացիական անձ, վիրավորվել է 115 քաղաքացիական անձ, նախնական տվյալներով՝ լրջորեն վնասվել է ավելի քան 6700 մասնավոր սեփականության անշարժ գույք, ավելի քան 640 մեքենա, շուրջ 1110 ենթակառուցվածքային, հանրային և արտադրական նշանակության օբյեկտներ:

Ադրբեջանական զինուժի հրետակոծության հետևանքով վիրավորվել են ինչպես արտասահմանյան, այնպես էլ տեղական լրատվամիջոցների լրագրողներ։

Հայաստանում և Արցախում սեպտեմբերի 27-ին հայտարարվել է ռազմական դրություն։

Արդեն երկու անգամ հայտարարվել է մարդասիրական հրադադարի մասին, սակայն ադրբեջանական զինուժը դիվերսիոն գործողություն է իրականացրել, նաև հրթիռակոծել խաղաղ բնակավայրեր Արցախում։

ԼՐԱՀՈՍ
19:48 • 22/10
Երևանյան բնակարանում հայտաբերվել է բնակչի դին
19:45 • 22/10
Հրետակոծված Մարտակերտն այսօր (ֆոտոշարք)
youtube subscribe
19:43 • 22/10
ԱԱԾ֊ում դիմավորում են կալանքից ազատված ԲՀԿ առաջնորդ Գագիկ Ծառուկյանին. ուղիղ
19:41 • 22/10
ՆԱՏՕ-ն առաջին անգամ Թուրքիային կոչ է արել օգտագործել իր ազդեցությունը՝ Լեռնային Ղարաբաղում լարվածությունը նվազեցնելու համար
19:35 • 22/10
Պաշտպանության բանակն այս պահին թեժ մարտեր է մղում Մարտունու շրջանի Շեխեր և Ջիվանի գյուղերի մատույցներում, թշնամին ունի կենդանի ուժի մեծ կորուստներ. Վահրամ Պողոսյան
19:32 • 22/10
Արցախում գտնվող ադրբեջանցի ռազմագերին պատմել է Թուրքիայից ժամանած զինվորական մասնագետների մասին (տեսանյութ)
19:29 • 22/10
Երուսաղեմում հայ համայնքը ցույց է անցկացրել Արցախի անկախության ճանաչման պահանջով
19:22 • 22/10
Իրանում Շվեյցարիայի դեսպանն ԱԳՆ է կանչվել՝ ԱՄՆ նախագահական ընտրություններին միջամտելու շուրջ մեղադրանքների պատճառով
19:15 • 22/10
Ռուսաստանը չի ծրագրում գործողություններ իրականացնել ԼՂ հակամարտության գոտում. Անդրեյ Կրասով
19:11 • 22/10
Նախընտրական տրամադրությունների ներքո ԱՄՆ կողմից Ղարաբաղյան կարգավորման համատեքստում կարող ենք ակնկալել կտրուկ