«Ռոսնեֆտ»-ի նախկին ղեկավարը դատի է տվել Ռոտշիլդների ընկերությանը` 100 միլիոն եվրոյի վնաս պատճառելու մեղադրանքով
Հոկտեմբերի 14-ին «Ռոսնեֆտ»-ի նախկին ղեկավար Սերգեյ Բոգդանչիկովի լյուքսեմբուրգյան Fortinvest Investments Holding ընկերությունը հայց է ներկայացրել Նյու Յորքի Գերագույն դատարան Ռոդշիլդների ժառանգների հիմնած Edmond de Rotschild (EDR) ընկերության դեմ, հայտնում է ՌԲԿ- ն:
Հայցվոր կողմը մեղադրում է ամբաստանյալներին ավելի քան 100 միլիոն դոլարի վնաս պատճառելու մեջ, ինչպես նաեւ պահանջում է փոխհատուցել դատական ծախսերը եւ կորցրած շահույթը (գումարը չի նշվում): Fortinvest-ը պահանջում է, որպեսզի բոլոր մեղադրանքները EDR-ի եւ մի քանի այլ մեղադրյալների դեմ քննվեն ատենակալների ժյուրիի կողմից:
Բոգդանչիկովը Fortinvest-ի միանձնյա սեփականատերն է, հետեւում է հայցից: Նա ՌԲԿ-ին ասել է, որ գործի վերաբերյալ իր դիրքորոշումն արտացոլվել է հայցադիմումի 45 էջերում, պատասխանողների հե ինքը չի շփվել:
Դատական հայցը ներկայացվել է Նյու Յորքի դատարան այն հիմքով, որ EDR-ն այդ նահանգում բիզնես ունի, իսկ մյուս մեղադրյալները Նյու Յորքի բնակիչներ են: ՌԲԿ-ն հարցում է ուղարկել Edmond de Rotschild: