Apple-ը ներկայացրեց 5G ցանցով աշխատող միանգամից 4 սմարթֆոն, ինչպես նաև նորագույն սմարթ սարքավորում տան համար (տեսանյութ)

ԱՄՆ Կալիֆոռնիա նահանգի Կուպերտինո քաղաքում գտնվող Apple Park կենտրոնակայանում կայացած ամերիկյան տեխնոլոգիական հսկայի շնորհանդեսը, որը երկրորդն է այս տարի:

Այսօր Apple-ը ներկայացրեց այս տարվա երկար սպասված iPhone 12 շարքի միանգամից 4 սմարթֆոն:

Ընկերության ղեկավար Թիմ Քուկը նախ ներկայացրեց HomePod mini սարքավորումը՝ նախատեսված տան համար: Այն իրենից ներկայացնում է սմարթ-բարձրախոս, որն աշխատում է ինչպես Siri-ն: Այն կարող է օգնել ստուգել էլ. փոստը և անգամ գտնել «այֆոնը»: Նորագույն սարքի միջոցով հնարավոր է կարգավորել տան ջերմաստիճանը, փակել դռները և այլն: Այն նախատեսված է ցանկացած տուն «սմարթ» դարձնելու համար, ինչը նշանակում է ինչպես հարմարավետ, այնպես էլ անվտանգ:

Այն հասանելի է երկու գույնով՝ սպիտակ և մուգ մոխրագույն: Իսկ արժեքը կկազմի 99 դոլար: Այն հասանելի կլինի նոյեմբերի 16-ից:

Թիմ Քուկը, խոստանալով «նոր դարաշրջան» iPhone-ի համար, ներկայացնում է 5G ցանցը, որն առաջին անգամ է օգտագործվելու ընկերության սմարթֆոններում:

5G ցանցով աշխատող առաջին սմարթֆոնը՝ iPhone 12-ը, ներկայանում է հինգ գույնով՝ կանաչ, կարմիր, կապույտ, սպիտակ և սև: Նորագույն սմարթֆոնը ներկայանում է կրկնակի հզորությամբ՝ նախորդ մոդելի iPhone 11-ի համեմատ:

Նորագույն սմարթֆոնը, որը ներկայանում է 6,1 դյույմ անկյունագծով, աշխատելու է A14 Bionic նորագույն պրոցեսորով, ինչը թույլ է տալիս հեռախոսով խաղալ ինչպես խաղային հարթակով:

Ինչ վերաբերում է նորույթի տեսախցիկին, այն ներկայանում է 12 մեգապիքսել կետայնությամբ և երկոսպնյակ համակարգով: Նոր հատկությունների շնորհիվ հնարավոր կլինի առավել որակյալ ֆոտո և վիդեոնկարահանումներ անել, այդ թվում՝ գիշերային ռեժիմով:

Նորագույն սմարթֆոնները հանարավոր է լիցքավորել MagSafe մագնիսական միակցիչի օգնությամբ:

Ի դեպ, iPhone 12-ը ներկայանում է իր առավել փոքր տարբերակի՝ iPhone 12 mini-ի հետ միասին, որի անկյունագիծը կկազմի 5,7 դյույմ: iPhone 12 mini-ն կարժենա 699 դոլար, իսկ iPhone 12-ը՝ 799 դոլար:

Հաջորդ նորույթը iPhone 12 pro մոդելն է, որը ներկայանալու է 6,5 դյույմ անկյունագծով: Այն վաճառքի կհանվի 999 դոլարով:

Հաջորդ սմարթֆոնը, որը ներկայանում է այս տարի, iPhone 12 Pro Max մոդելն է՝ 6,7 դյույմ անկյունագծով: Այն հասանելի կլինի 1099 դոլարով և հնարավոր կլինի գնել նոյեմբերի 23-ից:

Սմարթֆոնում կիրառվելու է LiDAR սկանավորման տեխնոլոգիան, որը հնարավորություն կընձեռի սմարթֆոնի օգնությամբ պատկերացում կազմել շրջակա միջավայրի մասին, սականավորել և լուսանկարել շրջակայքը: