Ունենք հազարավոր չպայթած պայթուցիկ նյութեր. կանգնած ենք հումանիտար աղետի առաջ. Արցախի ՄԻՊ
Ադրբեջանական ԶՈի-կողմից էկայնորեն կիրառվել են կասետային զենքեր. եւ ռումբեր, եւ հրթիռներ, եւ արկեր: Կասետային զնեքերը կիրառվել են նաեւ քաղաքացիական բնակչության դեմ: Այս մասին այսօր` հոկտեմբերի 11-ին, ասուլիսի ժամանակ ասաց Արցախի ՄԻՊ Արտակ Բեգլարյանը` նշելով, որ մի շարք նման ապացույցներ արդեն ունեն:
«Արցախի արտակարգ իրավիճակների պետական ծառայությունը մինչեւ հոկտեմբերի 10-ը ավելի քան 180 չպայթած կասետային զենք է ոչնչացրել, բազմաթիվ դեպքերում պայթել են: Այստեղ կան որոշակի զինատեսակներ, օրինակ 300 մմ-ոց հրթիռը, որն իսրայելական արտադրության է, այն կիրառվել է հենց Ստեփանակերտի կենտրոնում, մասնավորապես մեզ համար կենսական նշանակության ենթակառուցվածքների դեմ եւ դրա հետեւանքով մենք ունեցել ենք բազմաթիվ վիրավորներ, եւ այդպիսի դեպքեր եղել են առաջին օրերից մինչեւ երեկ գիշեր: Երեկ գիշեր, հրադադարի պահմանավորվածությունից հետո նրանք օգտագործել են նոր հրթիռ: Ես անձամբ այցելել եմ դեպքի վայր, տունը վնասված է եւ վառված է նաեւ տան հարակից շինությունը եւ այնտեղ մենք գտել ենք կասետային «Սմերչ» տեսակի հրթիռից մնացորդներ: Սա էլ լրացուցիչ ապացույց է, որ նույնիսկ հրադադարի պայմանավորվածությունից հետո նրանք կիրառում են ոչ միայն հրթիռներ, այլ նաեւ միջազգային իրավունքով արգելվածշն հրթիռներ»,-ասաց նա:
Արցախի ՄԻՊ-ը նշեց, որ կիրառել են նաեւ իսրայելական եւ թուրքական արտադրության տարբեր տեսակի ԱԹՍ-ներ:
«Սա «Գրադլար» իսրայելական արտադրության արկի մնացորդ է, որը էլի կասետային տեսակի զենք է եւ կիրառվել է Ստեփանակերտի բնակելի հատվածի ուղղությամբ: Այս ամենը ցույց է տալիս, որ Ադրբեջանն արգելված վայրերում օգտագործել է արգելված զինատեսակներ, որոշ դեպքերում չտարբերակված, որոշ դեպքերում էլ կոնկրետ թիրախավորված, որի հետեւանքով մենք ունենք բազմաթիվ զոհեր, վիրավորներ, ավիրվածություններ: Մենք կանգնած ենք հումանիտար աղետի առաջ, քանի որ տարբեր բնակավայրերում ունենք հազարավոր չպայթած պայթուցիկ նյութեր, որոնք երկար տարիներ կարող են վտանգել քաղաքացիական բնակչության եւ երեխաների կյանքն ու առողջությունը»,- ասաց Արցախի ՄԻՊ-ը եւ հավելեց, որ ինքը նույնպես 6 տարեկանում ադրբեջանական արկի պայթյունից կորցրել է տեսողությունը: