«Ավրորա» մրցանակի դափնեկիրը միացել է StayHomeErdogan ֆլեշմոբին
Մարդասիրության զարթոնքի համար «Ավրորա» մրցանակի2019 թվականի դափնեկիր Միրզա Հասան Դինային միացել է #StayHomeErdogan ֆլեշմոբին, որի շրջանակներում ամբողջ աշխարհի բուժաշխատողները Թուրքիայի նախագահին կոչ են անում մնալ տանը` դրանով իսկ կյանքեր փրկելով:
Իրաքցի գրող Միրզա Հասան Դինային եզդի հասարակական գործիչ է, ով 2019-ին «Ավրորա» մրցանակ էր ստացել հումանիզմի արթնացման համար:
Նախաձեռնությանն արդեն միացել են շատ հայտնի բժիշկներ, այդ թվում` կարդիոխիրուրգ Բագրատ Ալեքյանը:
Բժիշկների հորդորի մեջ, մասնավորապես, ասվում է.
«Մենք` աշխարհի բժիշկներս այսօր առաջնագծում պայքարում ենք գլոբալ պանդեմիայի դեմ: Մենք պայքարում ենք բոլորիդ կյանքերի համար: Մենք պայքարում ենք ձեր կյանքերի համար առանց տարանջատելու ձեր ազգությունն ու կրոնը: Միևնույն ժամանակ ՄԱԿ-ի` պատերազմական իրավիճակները կանգնացնելու և խաղաղության ռեժիմ պահելու հորդորին ի հակառակ երկու դիկտատորներ` Էրդողանն ու Ալիեվը հանցավոր համաձայնության գալով հարձակում են գործել Արցախի Հանրապետության եւ Արցախի խաղաղ բնակչության վրա: Մինչ մենք փրկում ենք կյանքեր, ցինիկ հարձակումը սփռում է մահ եւ քաոս տարածաշրջանում: Սա մարդկությանը հարվածէ մեջքից: Մենք պահանջում ենք Թուրքիայի եւ Ադրբեջանի ղեկավարությունից անհապաղ դադարեցնել ագրեսիան»:
Ֆլեշմոբի մասին ավելին կարող եք իմանալ https://stayhomeerdogan.org/ կայքում եւ https://www.facebook.com/Stay-Home-Erdogan-105045944700862/ էջին