Ինչպես սեփական ուղեղին ստիպել, որ աշխատի

Ավելի շատ քուն

Գիտությունը մինչեւ հիմա այնքան էլ շատ բան չգիտե քնից զրկվելու մասին: Բայց մի բան գիտությունը հաստատ գիտե` այն, որ քնի հիմնական գործառույթը ուղեղի կենսագործունեության կենսաքիմիական արտադրանքի հեռացումն է, որն առաջանում է նրա ակտիվության արդյունքում: Դա նշանակում է, որ քնի պակասը կարող է վնասակար բետա-ամիլոիդ սպիտակուցների պատճառ դառնալ, ինչը կարող է տարբեր հիվանդությունների հանգեցնել: Օրինակ` Ալցհայմերի հիվանդության:

Ինչպե՞ս շտկել քիչ քնելու սովորությունը: Ստիպված կլինեք փոխել սեփական կենսակերպը, իսկ դա հեշտ չէ: Քիչ է ընդամենը մտածել. «Ես հիմա չեմ կարող քունս առնել, փոխարենը լավ կքնեմ հանգստյան օրերին: Դա արդյունք չի տա: Մեկ անքուն գիշերից հետո վերականգնվելը դժվար չէ, բայց քնի խրոնիկական պակասը մեծ ջանքեր է պահանջում:

Ինչքա՞ն է անհրաժեշտ քնել: Չափահաս մարդուն անհրաժեշտ է 7-ից 9 ժամվա քուն: Այստեղ դուք կարող եք ավելի մանրամասն իմանալ դրա մասին:

Հերիք է սնվեք ինտերնետային աղբով

Ձեզ հավանաբար հետաքրքրում է, թե ինտերնետն ինչ է անում ձեր ուղեղին: Արդյոք ինտերնետը մեր մեջ կախվածություն չի առաջացնում` վերածվելով յուրօրինակ թմրանյութի: Facebook-ում գրառումը, իմեյլը, թվիթը, հետաքրքիր հոդվածը, եւ այդպես շրջանակը փակվում է: Ինտերնետի հիմնական խնդիրը ցրված ուշադրությունն է: Մենք անընդհատ ստիպված ենք լինում ուշադրությունը մի բանից մյուսին տեղափոխել եւ դա ուղղակի թույլ չի տալիս կենտրոնանալ կարեւոր բաների վրա:

Ինչպե՞ս ազատվել դրանից: Ձեզ համար կանոններ սահմանեք. կես ժամ իմեյլների համար, կես ժամ` Թվիթերի եւ այդպես շարունակ: Դուք կարող եք ինքներդ անել դա, բայց եթե գիտեք, որ կամքի ուժը կարող է չհերիքել, օժանդակող միջոցներ օգտագործեք: Օրինակ` այն հավելվածը, որը կարգելափակի մուտքը անպետք կայքերին` անհամապատասխան ժամերին:

Ստուգեք ձեր բազմաառաջադրանքայնությունը

Ինտերնետային աղբի խնդիրն ընդամենը մեկ մեծ խնդրի` բազմաառաջադրանքայնության մի մասն է: Ժամանակակից մշակույթը խրախուսում է դա եւ նույնիսկ ստիպում է միաժամանակ մի քանի բան անել (մեր իսկ օգուտի համար): Բայց դուք գոնե մեկ անգամ տեսե՞լ եք այնպիսի գործատուի, որին գերազանց բազմաառաջադրանքայնությամբ մարդ պետք լինի: Հազիվ թե: Այդ պատճառով բազմաառաջադրանքայնության առավելությունները մշուշոտ են եւ միայն մեր գլխում են: Գլխավոր խնդիրը, որին պետք է հասնել, մեկ առաջադրանքի վրա լիակատար կենտրոնացումն է: Այդ դեպքում, նույնիսկ եթե առաջադրանքը ձանձրալի է, դուք այնուամենայնիվ ձեզ անհամեմատ ավելի երջանիկ կզգաք:

Ինչպե՞ս ազատվել բազմաառաջադրանքայնությունից: Սկզբի համար ջանացեք սովորություն զարգացնել` նկատելու, թե երբ եք անցնում միաժամանակ մի քանի գործի: Եվ դրա փոխարեն, ինչպես եւ ինտերնետի պարագայում, ձեզ կարգուկանոնի ենթարկեք, որպեսզի գոևծերը հերթով անեք, ոչ թե միասին: