«Կարող է քայլերթ անենք, կարող է երթով մտնենք շուկաներ». Բողոքի ակցիայի մասնակից

Իշխանությունները հայտարարում են, թե խթանում են տեղական արտադրությանը, ես կխնդրեի, որ մեր պաշտոնյաները նման սխալ հայյտարարություն չանեն, նրանք խթանում են ոչ թե տեղական արտադրությունը, այլ տեղական կարը, քանի որ ցանկացած տեղական արտադրության դեպքում կտորը, աքսեսուարները, կոշիկի տակացուն, սոսինցը, կոշին, բոլորը ներկրվում է Թուրքիայից եւ Չինաստանից: Այս մասին այսօր՝ սեպտեմբերի 18-ին, Կառավարության դիմաց նշեց բողոքի ակցիա իրականացնողներից մեկը: Նշենք, ո հագուստի եւ կոշիկի ներկրմամբ եւ վաճառքով զբաղվող տնտեսավարողները բողոքում են Մաքսային օրենսգրքում կատարված փոփոխություններից, որոնց արդյունքում ստիպված են ներկրված ապրանքը ավելի բարձր գնով մաքսազերծել։

Ակցիայի մասնկիցը նշեց, որ մարզերի քաղաքներում նույնպես բողոքի ակցիաներ են լինելու: «Գնորդը պետք է հասկանա, որ սա առաջին հերթին իրենց վրա է ազդելու, հետո նոր՝ մեր: Մենք ոնց մաքսազերծենք, այդպես թանկ էլ վաճառելու ենք: ՊԵԿ-ի նախագահի տեղակալ Շուշանիկ Ներսիսյանը օրինակ բերեց, որ 13 դոլարոց կոստյումը վաճառվում է 25 հազար դրամ: Ես իրեն կխնդրեի թեկուզ իմ ուղեկցությամբ, թող մնի Սուրմալու, մտնի «Առինջ մոլ» ու տեսնի, թե արդյոք 13 դոլարանոց կոստյումը վաճառվում է 50 դոլարով, թե ոչ: Նման ապատեղեկատվություն թող չանեն»,-ասաց նա:

Ակցիայի մասնակիցները նշեցին, որ դեռ չեն որոշել, թե ինչ են անելու. «Կարող է քայլերթ անենք, կարող է երթով մտնենք շուկաներ, կորոշենք»: