Ամերիկացիների նամակները լույս են սփռել Ջոն Քենեդու օրոք Սպիտակ տանը ալկոհոլի հանդեպ նրանց վերաբերմունքի վրա
Ջոն Ֆ․ Քենեդու նախագահական գրադարանի եւ թանգարանի հետազոտողները գտել են նամակների պահոց՝ գրված այն ամերիկացիների կողմից, որոնք դեմ էին, որ Ջոն Քենեդին Սպիտակ տան միջոցառումներին հյուրերին կոկտեյլներ հյուրասիրի, գրում է AP-ը:
Նամակները նոր պատկերացում են տալիս պաշտոնական միջոցառումների ժամանակ ալկոհոլի հանդեպ մարդկանց զարմանալիորեն տարբեր վերաբերմունքի մասին:
«Լիկյորը բթացնում է ուղեղը եւ բացում լեզուն»,- գրում է Իլինոյս նահանգի Սպարտայի հիասթափված մի քաղաքացի: «Կարո՞ղ ենք ռիսկի ենթարկել մեր ազգային եւ միջազգային անվտանգությունը այսպիսի հնարավոր անտեղյակության պատճառով»:
JFK գրադարանի արխիվագետները ասում են, որ բողոքի նամակները սկսել են գալ այն բանից հետո, երբ թերթերը հայտնեցին Քենեդու առաջին պաշտոնական միջոցառման՝ 1961թ. հունվարին նոր նշանակումների պատվին ընդունելության մասին:
«Առաջին անգամ հյուրասենյակում բար կար, որտեղ մատուցողները կարող էին խառնել մարտինին կամ օղի, սկոթչ, բուրբոն կամ շամպայն լցնել»,- գրում է The Washington Post-ը:
Նամակները, որոնցից որոշնորը տպագիր են, մյուսները՝ ձեռագիր, ցնցում եւ մտահոգություն են հայտնում, որ Միացյալ Նահանգները կկորցնի իր արժանապատվությունն ու հեղինակությունը աշխարհում:
«Հարգելի պարոն նախագահ, կարծում եմ, որ շատերն այսօր նվաստացում եւ ամոթ են զգում, երբ իմանում են, որ մեր Սպիտակ տունը վերածվել է ամոթալի հարբեցողության վայրի»,- ասվում է Այդահոյից Էդիտ Ֆրիցի ուղերձներից մեկում: «Ավելի վաղ ծնված արժանապատվությունն անհետացել է: Թող Աստված ողորմեա քո խեղճ հոգուն»:
«Մեր ազգը հիմնադրվել է քրիստոնեական գաղափարներ դավանող մարդկանց կողմից: Եկեք այդպիսին մնանք»,- ասվում է Այովա նահանգի Դանկերտոնից Ռուբի Թըրների նամակում:
Այն ժամանակ, ինչպես ասում են գիտնականները, Քենեդու վարչակազմը նվազեցրել էր հասարակության արձագանքը փոփոխություններին:
ԱՄՆ նախագահները տարբեր վերաբերմունք են ունեցել ալկոհոլի նկատմամբ: Ասում են, որ ՋորջՎաշինգտոնը վիսկի էր խմում, Դոնալդ Թրամփը ընդհանրապես չի խմում, թեեւ նրան գինի են մատուցում պետական ճաշերին ու այլ միջոցառումներին:
Առաջիկա ընտրություններում Թրամփի մրցակից Ջո Բայդենը նույնպես չի խմում: