Սպիտակ տուն. Թրամփը դիտավորյալ չի մոլորեցրել ամերիկացիներին կորոնավիրուսի համաճարակի լրջության հարցում

ԱՄՆ նախագահ Դոնալդ Թրամփը դիտավորյալ չի մոլորեցրել ամերիկացիներին կորոնավիրուսի համաճարակի լրջության հարցում: Այս մասին հայտարարել է Սպիտակ տան մամուլի քարտուղար Քեյլի Մակինանին:

Նրա մեկնաբանությունները հետեւել են CNN-ի կողմից ձեռք բերված եւ լրագրող Բոբ Վուդվորդի «Ցասում» նոր գրքի հիման վրա տեսանյութերին՝ այն մասին, որ Թրամփը փետրվարին խոստովանել է, որ գիտի, թե որքան մահացու եւ վարակիչ է կորոնավիրուսը: Մարտի 19-ին Washington Post-ին տված հարցազրույցում Թրամփն ասել է, որ ինքը «ցանկանում է նվազեցնել կորոնավիրուսի նշանակությունը», որպեսզի խուճապ չառաջացնի, ասվում է CNN-ի հրապարակած աուդիոձայնագրության մեջ:

«Դուք պարզապես օդ եք շնչում, եւ դա տեղի է ունենում»,- ասել է Թրամփը՝ «Ցասում» գրքի համար Վուդվորդի հետ հեռախոսազրույցի ժամանակ։ Գիրքը լույս կտեսնի հաջորդ շաբաթ: «Դա շատ բարդ հարց է: Դա շատ նուրբ հարց է: Դա նաեւ ավելի վտանգավոր է, քան նույնիսկ ծանր գրիպը: Դա մահացու վտանգավոր է»,- հավելել է նախագահը: