Facebook Inc-ը նոր քաղաքական գովազդների տեղադրումը ԱՄՆ նախագահի ընտրություններից մեկ շաբաթ առաջ կդադարեցնի
Facebook Inc-ը հայտարարել է, որ նոր քաղաքական գովազդների տեղադրումը ԱՄՆ նախագահի ընտրություններից մեկ շաբաթ առաջ կդադարեցնի` մտավախություն հայտնելով, որ ազատ խոսքի նկատմամբ իր ազատ մոտեցումը կարող է կրկին օգտագործվել քվեարկությանը միջամտելու համար:
Աշխարհի խոշորագույն սոցիալական ցանցը նաեւ հայատարարել է, որ պիտակ կստեղծի այն թեկնածուների կամ քարոզարշավների համար, որոնք կփորձեն հաղթանակի մասին հայտարարել ավելի վաղ, քան ընտրությունների արդյունքները պաշտոնական կդառնան, եւ կընդլայնի ընտրողների վրա ճնշում գործադրելու համար բովանդակությունը հեռացնելու չափանիշները:
Գործադիր տնօրեն Մարկ Ցուկերբերգը գրել է, որ իրեն անհանգստացնում են այն հազվագյուտ խնդիրները, որոնց կորոնավիրուսի համավարակի պատճառով բախվելու են ընտրողները, եւ որի պատճառով քվեարկությունը փոստով է անցկացվելու:
Facebook-ը կշարունակի թույլ տալ քաղաքական գովազդներ տեղադրել համակարգում եւ թույլ կտա նրանց փոխել օգտագործողների ծախսերը ու նպատակները, բայց կարգելափակի գովազդի բովանդակության կամ դիզայնի ճշգրտումները:
Ցուկերբերգը նշել է, որ Facebook-ը «գնալով ավելի ու ավելի հաճախ է տեսնում մեր ընտրությունների օրինականությունը մեր սեփական սահմաններից խաթարելու փորձեր»:
Նա գրել է, որ այդ սպառնալիքները վերացնելու համար Facebook-ը պիտակ կդնի ցանկացած հաղորդագրության վրա, որն ուղղված կլինի ընտրությունների արդյունքների ապալեգիտիմացմանը: Ընկերությունը նաեւ կհեռացնի COVID-19-ի եւ քվեարկության մասին ապատեղեկատվական հաղորդագրությունները, որոնք, Ցուկերբերգի խոսքերով, կարող են օգտագործվել մարդկանց վախեցնելու համար:
ԱՄՆ-ում ընտրությունները տեղի կունենան նոյեմբերի 3-ին: