Արցախում ունենալու ենք Հայաստանի որակի եւ Հայաստանի գնի բջջային կապ. Արցախի նախագահ

Ղարաբաղ տելեկոմի հետ մենաշնորհային պայմանագիրը կնքվել է 2002 թվականին 30 տարի ժամկետով: Այս մասին այսօր՝ սեպտեմբերի 2-ին, լրագրողների հետ հանդիպման ժամանակ նշեց Արցախի նախագահ Արայիկ Հարությունյանը:

«Իմ պետնախարարի պաշտոնում պաշտոնավարման վերջին օրերին 3 նամակ եմ գրել «Յուքոմի» տնօրեն Հայկ Եսայանին, «ՄՏՍ Հայաստան»-ի տնօրեն Ռալֆ Յիրիկյանին եւ «ՎԵՈՆ Արմենիայի» տնօրեն Պյատախինին: Հրավիրել եմ Արցախում կապի ոլորտում ծառայություններ մատուցելու ուղղությամբ: Երկուսից բացասական պատասխան ենք ստացել, իսկ Յուքոմը նույնիսկ չի էլ պատասխանել: Նոր օպերատորը, որը հայկական չլինի, որեւէ օգուտ Արցախին չի տալու, հակառակը, ունենալու ենք ավելի մեծ խնդիրներ:

Իմ հրաժարականից օրեր առաջ եղել եմ Լիբանանում, հանդիպել եմ «Ղ տելեկոմի» միակ սեփականատեր Պիեռ Պատուշի հետ: Համատեղ մշակել ենք ճանապարհային քարտեզ, որը թույլ է տալու Արցախում ունենալ բարձրակարգ կապ եւ մատչել սակագներ: Ես հայտարարել եմ, որ ունենալու ենք Հայաստանի կապին համարժեք կապ: Վաղվանից 7 օրվա մեջ Արցախի հիմնական տարածքում ունենալու ենք բարձրակարգ 3G համակարգ, իսկ Ստեփանակերտում եւ մյուս խոշոր բնակավայրերում 4G համակարգ նախատեսվում է արդեն հաջորդ տարի:

Արցախում լինելու է Հայաստանի որակի եւ Հայաստանի գնին համապատասխան կապ: Գների նվազումը լինելու է սահուն, առաջին նվազեցումը հունվարի 1-ից, երկրորդը ամտռանը, իսկ 2022-ին արդեն գինը կլինի Հայաստանի գներին համարժեք: Մեր նպատակն է գործող օպերատորի հետ գալ համաձայնության»,-ընդգծեց նա: