Windows 10-ի դեֆրագմենտացումը կարող է վնասել SSD կրիչը
Մայիսի ընթացքում Microsoft-ի կողմից թողարկված թարմացումը Windows 10 օպերացիոն համակարգի համար նույնիսկ ավելի խնդրահարույց է, քան սովորական խնդրահարույց թարմացումները W10-ի համար. պատչի մեջ բագ է ներթափանցել, որը կարող է շարքից հանել կոշտ կրիչները (SSD): Բարեբախտաբար, սխալը նկատել են եւ խոստացել վերացնել, գրում է Ferra.ru պորտալը:
Windows 10-ի համար մայիսյան թարմացումը սխալ է պարունակում Defragment and Optimize Drives մոդուլում. բագի սխալի պատճառով օպերացիոն համակարգը չի կարող հիշել, թե երբ է վերջին անգամ դեֆրագմենտացում կատարվել: Համապատասխանաբար, համակարգիչը սկսում է դիսկերի դեֆրագմենտացիա կատարել յուրաքանչյուր վերագործարկումից հետո:
Կոշտ կրիչները, ի տարբերություն դասական կոշտ դիսկերից, դեֆրագմենտացման կարիք չունեն, հատկապես` այդպիսի հաճախակի: Սխալը Windows 10-ի թարմացման մեջ կարող է SSD-ի անսարքության կամ կոշտ դիսկի ծառայման ժամկետի էական կրճատման հանգեցնել: Խնդիրն արդեն հեռացված է KB4571744 թարմացման մեջ, որը 19042.487 բիլդի մի մաս է դարձել, սակայն դեռ հասանելի է միայն ինսայդերներին: Microsoft-ի ներկայացուցիչները խոստանում են, որ Windows 10-ի շարքային օգտատերերը թարմացումը կստանան արդեն առաջիկա շաբաթների ընթացքում:
Սա առաջին դեպքը չէ, երբ Windows 10-ի համար թարմացումները «կոտրում» են համակարգի կարեւոր գործառույթները: Վերջին շրջանում Microsoft-ը պարբերաբար խնդրահարույց եւ շատ խնդրահարույց թարմացումներ է թողարկում իր ամենատարածված օպերացիոն համակարգի համար: