на Русском
Ապօրինի զենք-զինամթերքի կամավոր հանձնման միջո... 
Վնասներ Երևանում՝ քամու հետևանքով
Լավրովը պատմել է, թե համավարակն ինչպես պետք է փոխի միջազգային քաղաքականությունը
Ռուսաստանը միջազգային հանրակցությանը հորդորում է՝ համավարակի հետ կապված իրադրությունն օգտագործել մարդկության առջև ծառացած ընդհանուր մարտահրավերների դեմ պայքարում լայն համագործակցությունը կարգավորելու համար: Այդ մասին «Փաստեր և փաստարկներ» թերթին տված հարցազրույցում հայտարարել է ՌԴ ԱԳ նախարար Սերգեյ Լավրովը: Ինչպես նշում է ՌԴ նախարարը, կորոնավիրուսի համավարակը լուրջ ազդեցություն է թողել միջազգային քաղաքականության և սոցիալ-տնտեսական կյանքի՝ առանց բացառության բոլոր ասպեկտների վրա: «Սառեցվել» են քաղաքական շփումները, խախտվել են սովորական արտադրա-կենցաղային շղթաները:
«COVID-19-ը խորը ճգնաժամ է առաջացրել համաշխարհային տնտեսության մեջ, որի վերականգնումը երկար ժամանակաշրջան է պահանջում: Դրա հետ մեկտեղ աշխարհը ոչ միայն պարզապես ուժեղագույն տնտեսական անկում է վերապրում, այլև, հնարավոր է, հայտնվել է սովորական տնտեսական կապերի վերակառուցման շեմին»,- նշել է Լավրովը: Համավարակը, Ռուսաստանի ԱԳ նախարարի խոսքով՝ բառացիորեն մի ակնթարթում հավասարեցրել Է բոլորին, վերստին ցույց տալով, որ արդի, սերտորեն փոխկապակցված աշխարհում սպառնալիքների մեծ մասն ունեն անդրսահմանային պրոյեկցիա և որ «մի կողմ քաշվել» չի ստացվի:
Այդ ամենը, թվում էր, պետք է համաշխարհային հանրակցությանը դրդեր այն բանին, որ գոնե ժամանակավորապես մի կողմ դներ կոնյունկտուրային տարաձայնությունները և ջանքերը միավորեր նոր գլոբալ մարտահրավերին համատեղ պատասխանի հարթակում, մատնանշում է Լավրովը: Այնուամենայնիվ, սպասվող «դրական» բեկում տեղի չունեցավ:
Ըստ նրա դիտարկումների, մի շարք երկրներ ցանկանում են ընթացիկ ճգնաժամից օգտվել իրենց աշխարհաքաղաքական և տնտեսական հավակնությունները բավարարելու համար: Շարունակվում է անցանկալի երկրների՝ պատժամիջոցներով «խեղդամահ» անելու քաղաքականությունը, հայտարարել է Լավրովը: «Եվս մեկ անգամ ընդհանուր գործողությունների կոչ ենք անում ընդհանուր աղետի դեմ, «կորոնաճգնաժամը» որպես հնարավորություն օգտագործել մարդկության առջև ծառացած ընդհանուր ռիսկերի և մարտահրավերների դեմ պայքարում միջազգային լայն համագործակցությունը կարգավորելու համար»,-ընդգծել է ՌԴ ԱԳ նախարարը՝ հաղորդել է «Ինտերֆաքս»-ը:
