Բելառուսում անկարգությունների ընթացքում մի մարդ է մահացել. իրավապաշտպան (Տեսանյութ և լուսանկարներ)
Անցած գիշեր Մինսկում տեղի ունեցած անկարգությունների հետևանքով մի մարդ է զոհվել: Այս մասին ՏԱՍՍ-ին հեռախոսով պատմել է «Վեսնա» իրավապաշտպան կենտրոնի ներկայացուցիչ Վալենտին Ստեֆանովիչը:
«Այո, տեղեկություններ կան մեկ զոհի մասին: Դա տեղի է ունեցել ցուցարարների վրա հատուկ տրանսպորտի վրաերթի արդյունքում: Երեք մարդ ծանր վիրավորվել է, մեկը մահացել է ուղեղի վնասվածքի հետեւանքով»,- ասել է Ստեֆանովիչը:
ՏԱՍՍ-ը Բելառուսի ՆԳՆ-ից պաշտոնական տվյալներ չունի մահացածների մասին:
Հիշեցնենք, Մինսկում երեկ սկսել էին ցրել ցուցարարներին, ովքեր համաձայն չէին ընտրությունների արդյունքների հետ:
Ակցիայի մասնակիցների եւ ՕՄՈՆ-ի միջեւ բախումները սկսվել են կիրակի երեկոյան Մինսկի կենտրոնական Մաշերովի եւ Հաղթողների պողոտաների խաչմերուկում, հայտնում է ՏԱՍՍ-ը` վկայակոչելով իր թղթակցին Միսնկայում:
Բելառուսի ոստիկանությունը սկսել է խիստ կերպով ցրել ցուցարարներին Մինսկի կենտրոնական Հաղթանակի հրապարակից, որտեղ մի քանի հարյուր մարդ է հավաքվել, ովքեր համաձայն չեն նախագահական ընտրությունների արդյունքների հետ: Բողոքի ակցիայի մասնակիցների` շղթան կոտրելու փորձերից հետո ԱՄՈՆ-ը մի քանի լուսաձայնային նռնակ է կիրառել: Արդյունքում մարդիկ են տուժել, ցուցարարներից մեկը, ով գլխի վնասվածք էր ստացել, տարել են շտապօգնության ավտոմեքենայով:
Հիշեցնենք, քիչ առաջ Operativ լրատվականը հաղորդել էր նաև, որ Համացանցում հայտնվել են Միսնկում ցուցարարների ուղղությամբ կրակելու կադրերը: