Մինչև 2040 թվականը շրջակա միջավայրում ավելի քան մեկ միլիարդ տոննա պլաստիկ թափոն կլինի

Պլաստիկ աղտոտումը շարունակում է մարդկության առջեւ ծառացած ամենալուրջ խնդիրներից մեկը մնալ, հայտնում է Nat-geo- ն:

Պլաստիկ աղտոտվածության մակարդակը որոշելու համար Լիդսի համալսարանի հետազոտողները ուսումնասիրել են ամբողջ աշխարհում պլաստմասսայի արտադրության, օգտագործման եւ ուտիլիզացման ցուցանիշները: Այնուհետև թիմը մոդել է ստեղծել պլաստիկ աղտոտման ապագան կանխատեսելու համար:

Ամենահավանական սցենարի համաձայն, որը հիմնված է պլաստիկի արտադրության ներկայիս աճի տենդենցի եւ այս նյութի վերաօգտագործման եւ վերամշակման մեջ էական փոփոխությունների բացակայության վրա՝ մինչև 2040 թվականն ամբողջ մոլորակի միջավայրում 1.3 միլիարդ տոննա պլաստիկ թափոն կլինի։

Սցենարը ենթադրում է, որ օվկիանոսում 600 միլիոն տոննա պլաստիկ կլինի, ինչը համարժեք է երեք միլիոն կապույտ կետերի քաշին: «Սա առաջին համապարփակ գնահատումն է, թե ինչպիսին կարող է լինել պատկերը 20 տարի անց: Այդպիսի մեծ քանակությունը դժվար է նույնիսկ պատկերացնել. եթե այս ամբողջ պլաստիկը դնենք հարթ մակերեւույթի վրա, այն Մեծ Բրիտանիայից մեկուկես անգամ ավելի մեծ տարածք կզբաղեցնի»,- նշել է հետազոտության համահեղինակ Կոստաս Վելիս Լիդսի համալսարանից։

Հետազոտողները ցույց են տվել, որ պլաստիկ աղտոտվածության նվազեցումը համապարփակ միջամտություն է պահանջում, այդ թվում՝ վերամշակման ծավալների ավելացում, արտադրության նվազեցում եւ պլաստիկն այլ մատչելի նյութերով փոխարինում:

«Եթե մենք դա անենք, մինչեւ 2040 թվականը կարող ենք 80 տոկոսով նվազեցնել օվկիանոսի մեջ թափվող պլաստիկի քանակը»,- նշվում է հետազոտությունը ֆինանսավորող Pew Charitable Trusts ընկերությունը։

Սակայն եթե նույնիսկ ձեռնարկվեն բոլոր հնարավոր միջոցները, առաջիկա երկու տասնամյակի ընթացքում 710 միլիոն տոննա պլաստիկ թափոն կհայտնվի շրջակա միջավայրում:

Փորձագետներն առաջարկում են հարյուրավոր միլիարդ դոլար ներդրումներն ուղղեր այլընտրանքային նյութերի արտադրությանը, վերամշակման օբյեկտների ստեղծմանը եւ զարգացող երկրներում թափոնների հավաքման ընդլայնմանը։

Ըստ գիտնականների՝ այսօր պլաստիկը զանգվածով մարդու կողմից ստեղծված երրորդ արհեստական նյութն է մոլորակի վրա՝ պողպատից եւ բետոնից հետո: 1950-ականների սկզբից արտադրված պլաստմասսայի ընդհանուր քաշը 8․300 միլիոն տոննա է գնահատվում: