Համաշխարհային առաջնորդների շարքում առավել մեծ աջակցություն է վայելում Անգելա Մերկելը
Ռուսաստանի, Միացյալ Նահանգների եւ Չինաստանի առաջնորդները «սուր պայքար են մղում» երկրորդ տեղի համար աշխարհի առաջնորդների գործողությունների հավանության ամեն տարի թարմացվող վարկանիշային աղյուսակում: Այս մասին նշվում է Gallup ընկերության հրապարակված զեկույցում:
Gallup-ի հարցումները (հետազոտությունում ընդգրկված ավելի քան 130 երկրներից յուրաքանչյուրում հարցվել է 1000 մարդ) ցույց են տվել, որ աշխարհում 2019-ին (հարցումներն անցկացվել են 2019-ի մարտից մինչեւ 2020-ի փետրվար) առավել մեծ հավանության են արժանացել Գերմանիայի ղեկավարության քայլերը։ Անգելա Մերկելի եւ նրա կաբինետի վարած քաղաքականությունը հավանություն է ստացել հարցվածների 44 տոկոսի կողմից։ Մեկ տարի առաջ այս ցուցանիշը 39 տոկոս էր, սակայն դա էլ բավարար էր՝ առաջին տեղում մնալու համար: Գերմանիան վերջին անգամ դա զիջել է Միացյալ Նահանգներին 2016 թվականին:
ԱՄՆ ղեկավարության հավանության վարկանիշն անկում էր ապրել 2017 թվականին՝ 48 տոկոսից մինչեւ 30 տոկոս, սակայն այդ ժամանակից ի վեր ցուցանիշը դանդաղորեն աճում է՝ մինչեւ 31 տոկոս, իսկ 2018 թվականին՝ 33 տոկոս: Վերջին աճը թույլ տվեց Դոնալդ Թրամփին առաջ անցնել Չինաստանի առաջնորդ Սի Ցզինպինից, որի հավանության վարկանիշը 34 տոկոսից իջել է մինչեւ 32 տոկոս:
Վերջին տարվա ընթացքում Ռուսաստանի ղեկավարության գործողությունների հավանության ցուցանիշը չի փոփոխվել՝ 30 տոկոս։ Ինչպես նախորդ տասից ավելի տարվա ընթացքում, Վլադիմիր Պուտինը վարկանիշային աղյուսակի վերջին տեղում է: Երկիրը շարունակում է երկրորդ տեղում մնալ ոչ հավանության վարկանիշում, երկրորդ տեղում Միացյալ Նահանգներն են. Դոնալդ Թրամփի վարչակազմի գործողությունները քննադատաբար է գնահատում հարցվածների 42 տոկոսը, իսկ Վլադիմիր Պուտինի թիմի գործողությունները՝ 33 տոկոսը: ՉԺՀ-ի ղեկավարության գործողություններին հավանություն չի տալիս հարցվածների 30 տոկոսը, իսկ Գերմանիայի կանցլերի գործողություններին՝ ընդամենը 21 տոկոսը, հայտնում է ՌԲԿ-ն։
Իրավիճակը կարող է փոխվել հաջորդ տարի, ինչը Gallup-ի փորձագետները կապում են COVID-19-ի համավարակի հետ:
Հեղինակները հայտնում են, որ Միացյալ Նահանգների, Գերմանիայի, Չինաստանի եւ Ռուսաստանի առաջնորդների գործողությունները աշխարհի տարբեր շրջաններում տարբեր կերպ են գնահատվում: Օրինակ, Եվրոպայում Մերկելի քաղաքականությունը չի ընդունվում 24 տոկոսի կողմից, ինչը մի փոքր ավել է, քան համաշխարհային միջինը, սակայն սատարում է, ինչպես եւ մեկ տարի առաջ, 56 տոկոսը: ԱՄՆ-ի ղեկավարության գործողություններին հավանություն է տալիս հարցվածբերի 24 տոկոսը եւ հավանություն չի տալիս 61 տոկոսը։ Նախորդ տարվա համեմատ քննադատների բաժինն աճել է (+2 տոկոս), մինչդեռ հավանություն տվողների թիվն անփոփոխ է: Չինաստանի իշխանությունների քայլերին հավանություն տվողների բաժինը նվազել է մինչեւ 23 տոկոս, հավանություն չտվողների թիվն աճել է մինչեւ 51 տոկոս։
Ռուսաստանի ղեկավարության գործողությունները Եվրոպայում առավել քննադատորեն է գնահատում հարցվածների 62 տոկոսը եւ կողմ է միայն 19 տոկոսը։
Աշխարհի մյուս հատվածներում ուժերի հավասարակշռությունը տարբեր է:
Ասիայում
Գերմանիայի ղեկավարության գործողություններին հավանություն է տալիս հարցվածների 39 տոկոսը, հավանություն չի տալիս 23 տոկոսը,
ԱՄՆ-ի քայլերին հավանություն է տալիս 32 տոկոսը, հավանություն չի տալի 39 տոկոսը,
Չինաստանի քայլերին հավանություն է տալիս 31 տոկոսը, հավանություն չի տալիս 37 տոկոսը,
Ռուսաստանի քայլերին հավանություն է տալիս 30 տոկոսը, հավանություն չի տալիս 36 տոկոսը:
Աֆրիկայում
ԱՄՆ ղեկավարության գործողություններին հավանություն է տալիս 52 տոկոսը, հավանություն չի տալիս 20 տոկոսը,
Չինաստանի գործողություններին հավանություն է տալիս 51 տոկոսը, հավանություն չի տալիս 16 տոկոսը,
Գերմանիայի քայլերին հավանություն չի տալիս 46 տոկոսը, հավանություն չի տալիս 18 տոկոսը,
Ռուսաստանի քայլերին հավանություն է տալիս 40 տոկոսը, հավանություն չի տալիս 33 տոկոսը:
Նոր աշխարհում
Գերմանիայի ղեկավարության գործողություններին հավանություն է տալիս 35 տոկոսը, հավանություն չի տալիս 25 տոկոսը,
ԱՄՆ-ի գործողություններին հավանություն է տալիս 34 տոկոսը, հավանություն չի տալիս 51 տոկոսը,
Չինաստանի գործողություններին հավանություն է տալիս 32 տոկոսը, հավանություն չի տալիս 35 տոկոսը,
Ռուսաստանի քայլերին հավանություն է տալիս 28 տոկոսը, հավանություն չի տալիս 35 տոկոսը: