Մի քանի քաղաքացի բողոքի ցույց էր անցկացնում Հայաստանում Ռուսաստանի դեսպանատան դիմաց (Տեսանյութ)
Հուլիսի 24-ին Հայաստանում Ռուսաստանի դեսպանատան դիմաց մի շարք քաղաքացիներ բողոքի ակցիա էին անցկացնում՝ պահանջելով, որպեսզի իրենց տրանսպորտային միջոցներ տրամադրվեն՝ Ռուսաստան մեկնելու համար: Ակցիայի մասնակիցները նշում են, որ 5-8 ամիս նրանք գտնվում են Հայաստանում եւ չեն կարող վերադառնալ Ռուսաստան:
«Եթե նրանք մերժեն մեզ, ապա 2020 թվականի հուլիսի 30-ին մենք կտեղափոխվենք Բագրատաշենի անցակետ: Այս նամակը մենք ուղարկում ենք Ռուսաստանի դեսպանատուն: Հուսով ենք, որ դեսպանատան աշխատակիցներից ինչ-որ մեկը կմոտենա մեզ: Մենք այստեղ ենք բավականին երկար ժամանակ ենք: Դեսպանության պաշտոնական կայքում եւ էջերում նշվում է, որ այն աշխատում է, չնայած քաղաքացիների չի ընդունում: Նրանք կընդունեն միայն գրանցված լինելու դեպքում: Ինչպե՞ս կարող են տարեցները գրանցվել Պետական ծառայություններում: Ոչ ոք չի պատասխանում հեռախոսազանգերին»,- նշեց բողոքի ակցիայի մասնակիցներից մեկը:
Նա նաեւ ասաց, որ դեսպանատանն ուղղված նամակում քաղաքացիները գրել են, որ իրենք առանց ապրուստի միջոցների են մնացե: «Եթե անհրաժեշտ լինի, մենք կգնանք Բագրատաշենի անցակետ եւ կգիշերենք այնտեղ: Շատերի մոտ խնդիրներ են կուտակվել, որոնք իրենք պետք է լուծեն: Անհրաժեշտության դեպքում մենք կսպասենք այնտեղ եւ կգիշերենք թեկուզ ամիսներ։ Ի՞նչ տարբերություն, եթե շատ մարդիկ պարզապես գիշերում են փողոցում: Ի՞նչ տարբերությունը, թե որտեղ քնել՝ դեսպանատան դռան տակ, թե անցակետի կողքին»,- ասաց ակցիայի մասնակիցը՝ հավելելով, որ վաղը նրանք նույնպես կհավաքվեն դեսպանատան մոտ: