Կառավարությունը 2,646 մլրդ դրամ հատկացրեց նախորդ տարվանից մնացած սուբվենցիոն ծրագրերն ավարտին հասցնելու համար

Կառավարութոյւնն իր այսօրվա՝ հուլիսի 16-ի նիստում 2, 646 մլրդ դրամ հատկացրեց մարզպետարաններին 2019-ին սկսված սուբվենցիոն ծրագրերի համար, որոնք չեն ավարտվել 2019-ին, կավարտվեն այս տարի:

Հարցը ներկայացրեց ՀՀ տարշքային կառավարման եւ ենթակառուցվածքների նախարար Սուրեն Պապիկյանը՝ նշելով. «Խոսքը վերաբերում է 83 համայնքների թվով 106 սուբվենցիոն ծրագրեր»,-ասաց նա:

ՀՀ վարչապետ Նիկոլ Փաշինյանը նշեց, որ այս տարվա համար շուրջ 700 սուբվենցիոն ծրագրեր կան, եւ աննախադեպ ծավալ են ունենալու. «Մենք պետք է համաֆինանսավորենք: Կարծում եմ՝ սուբվենցիոն ծրագրերը մեր ամենակարեւոր ուղղություններից են տարածքային համաչափ զարգացման համար»:

Պապիկյանը հստակեցրեց, որ այս տարի հաստատվել է 701 սուբվենցիոն ծրագիր, շուրջ 44 մլրդ դրամի, որից կառավարության համաֆինանսավորման բաժինը կազմում է 24 մլրդ դրամ: