«Հընգեր պարետ-կոմենդանտե, մեռանք ձեզ նամակ գրելով. Հայտնի երգչուհին ուզում է ընտանիքով գալ Հայաստան, չի կարողանում»

«Հընգեր պարետ-կոմենդանտե, մեռանք ձեզ նամակ գրելով, ուղարկելով, էլ տեղ չմնաց, որ մեր նամակները չուղարկենք, բարի եղեք մեկդ պատասխանելու։ Այս մասին Facebook-ի իր էջում գրել է պրոդյուսեր Արթուր Գալստյանը:

Նա, մասնավորապես, նշել է. «Ձեր աշխատակիցների մեջ մեկը չեղա՞վ, որ մի 2 րոպե ժամանակ գտներ պատասխանելու։ Դուք Դիլիջանի ընդունելության քննությունների համար 88 օտարերկրացու իրավունք տվեցիք, որ գան Հայաստան, նույնիսկ առանց կարանտինի 14 օրվա, բայց էս հրաշք երեխեքը, որ 2 տուն ունեն Հայաստանում ու 5 տարի իրանց ամառային ու ձմեռային արձակուրդներն անցկացրել են Հայաստանում, իրանք իրավունք չունե՞ն մուտքի թույլտվություն ատանալու։

Նամանավանդ, որ իրենք պատրաստ են իրենց առանձնատնից դուրս չգալու 1 ամիս իսկ։ Նամանավանդ, որ կներկայացնեն իրենց առողջական փաստաթղթերը, նամանավանդ, որ բոլորն ունեն բժշկական ապահովագրություն։ Էլ ո՞նց գրեմ ձեզ։ Էլ ի՞նչ գրեմ ձեզ։ Դուք մա՞րդ եք։ Դուք հայ մա՞րդ եք։

Մարդիկ արդեն որերրորդ տոմսն են գնում Հայաստան գալու համար, հուսով, որ էլ վերջ, կարանտինն էս մի անգամ կվերջանա։ Ու կորցնում են։ Ճշմարիտ ճշմարի՞տ եք դուք։ Բալքիմ հիմա կարդաք մեր նամակները, եթե ընդհանրապես մեկը կա, որ իր կաբինետում ա աշխատում, ոչ թե Ֆեյսբուք»:

Ավելի վաղ լյուքսեմբուրգահայ երգչուհի Մարիա Դալիա Վան Մարկն իր էջում գրել էր.

«Հարգելի ՀՀ Պարետ պարոն՝ Տիգրան Ավինյան

Հուսով եմ, որ այս նամակս Ձեզ պետք է գտնի առողջության և ապահովության մեջ։

Հայաստանի սահմանները փակ են մեզ համար 2020 թվականի մարտից, բայց մենք ուզում ենք գալ մեր տուն։

Խնդրում ենք, բացեք Հայաստանի դռները, կամ տվեք մեզ հնարավորություն, գալու Առողջական-վիզաներով, որ կարող ենք ներկայացնելու։

Խնդրում ենք։

Աղոթում եմ, որպեսզի Հայաստանը բացի օդային սահմանը։

Մենք էլ Հայ ենք:

Հայաստանը մեր տունն է:

Մեր ընտանիքը չունի Հայաստանի քաղաքացիություն և Հայաստանում չունենք ընտանիքի անդամներ, բայց Հայաստանում ունենք 3 միլիոն քույրեր և եղբայրներ։

Մեր ընտանիքն ունի մեր 4 զավակների Հայաստանցի կնքահայրը։

Մեր ընտանիքը 2015 թվականից ի վեր, ամեն ամիս գալիս էր Հայաստան, ամեն ամառ հուլիս-օգոստոս ամիսներին։

Մեր ընտանիքը Հայաստանում սեփականության իրավունքով ունի իր տները, մեքենաները։ Ունենք Հայաստանում գրանցված մեր «Հրաշք Հայեր» Բարեգործական ՀԿ-ն կենտրոնը և օգնում ենք անապահով ընտանիքներին։

Մեր ընտանիքն ունի Հայաստանում իրագործելու խենթանալիք նախագծեր՝ մեր ազգի համար։

Հայաստանից մինչ Արցախ մեր ընտանիքը երգում է մեր Հերոս զինվորների համար՝ իրենց ուժ, սեր և հարգանք նվիրելով։

Իմ 4 զավակներս ուզում են որպես զինվոր ծառայել Հայաստանում՝ 1 աղջիկ, 3 տղա։

Իմ Մեծ Հայրիկս մահացավ Դեր-Ջորում, բայց մեր Իսկենդերյան-Վարդանյան- Վան Մարկ ընտանիքը 100 տարի է, որ պահում է իր Հայ արմատները օտարության և միայնության մեջ։

Մենք վերադարձանք Հայաստան 2015 թվականին։ Հիմա ի՞նչ պատասխան տամ իմ 4 զավակներին։

Որ Կորոնավիրուսի պարագայում ֆրանսիացի, լիտվացի և ռուս բժիշկները կարող են գալ Հայաստան, իրենք ավելի արժեքավոր են, քան մեր ՀԱՅՐԵՆԱՍԵՐ ԸՆՏԱՆԻՔԸ՞:

Ասեմ Ջեզ, ես էլ Քոչինգ-հոգեբանության Դոկտոր եմ և մեր ազգը բժշկության, դիմակների և ձեռքերի մաքրության հիգիենայի չափ այսօր սիրո և ուշադրության կարիք նույնպես ունի։

Ես 5 տարի անշահախնդիր ամբողջ գիտելիքներս և ուժս նվիրել եմ Հայաստանում հոգեպես դժվարությունների մեջ հայտնված այդ բոլոր հրաշք ընտանիքներին։ Նաև մեր համեստ ընտանիքը սիրո և ուշադրության հետ միասին, նվիրում է այդ ընտանիքներին ֆինանսական աջակցություն՝ 2015 թվականից ի վեր։

Բոլորիս համար շատ կարևոր է, որ ետ վերադառնանք մեր Երկիրը, որպեսզի հոգեկան ուժս նվիրեմ այդ հրաշք ընտանիքներին, որ իմ կարիքը շատ ունեն։

Մեր ընտանիքը Հայաստանի հիվանդանոցների համար երբեք պրոբլեմ չի ստեղծի։

Մենք Լյուքսեմբուրգի, Շվեյցարիայի և Բելգիայի քաղաքացիներ ենք և բոլորս ունենք մեր անձնական առողջական ապահովագրությունները։

Եթե հիվանդանանք, իմ մայրական խոսքս եմ տալիս, որ նույն օրը ետ կվերադառնանք Լուքսեմբուրգ մեր անձնական ուժերով։

Մենք օտարության մեջ, սփյուռքում ապրող մի համեստ ընտանիք ենք, որ ես՝ որպես մայր, առանց Հայաստանում մեր ներկայության, կարողանամ զավակներիս որպես Հայ կրթելու և մեծացնելու։ Միշտ ունեցել ենք ամառային արձակուրդների այս 2 ամիսը...

Լյուքսեմբուրգում շատ քիչ հայեր են ապրում։ Մենք ամենամեծ հայ ընտանիքն ենք։ Եկեղեցի չկա։ Հայկական դպրոց չկա։

Ես ամբողջ ուժս, հավատքս և հնարավորություններս դրեցի Հայաստանի մեջ այն օրից, երբ Վարչապետ պ-ն Փաշինյանը ազատեց մեր երկիրը։

Մեզ դուրս մի դրեք, աղաչում եմ։

Լյուքսեմբուրգը փոքրիկ երկիր է և շատ հարուստ։ Մենք այստեղ Կորոնավիրուսի համար ստուգվում ենք անդադար։

Ձեզ կարող ենք ներկայացնել մեր Առողջական Անձնագրերը։

Փառք Աստծո մինչ այսօր մեր ընտանիքում ոչ ոք չի հիվանդացել։ Մենք երբ հասնենք Զվարթնոց օդակայան, մեր ընտանիքի կնքահայր պ-ն Արթուր Գալստյանը միանգամից բոլորիս պիտի տանի Սևան քաղաքում գտնվող մեր առանձնատուն, որը գտնվում է շատ առանձնացված թաղամասում։

Մենք հարգում ենք և կանցնենք մեր կարանտինի 14 օրերը մեր առանձնատան մեջ։ Մենք շատ հարգում ենք Վարչապետի բոլոր ասածները։

Գնել ենք օդանավի տոմսեր 16 հուլիսից մինչ 11 սեպտեմբեր - 2020 թվական։

Շատ եմ խնդրում մեզ պես բարի և հայրենասեր ընտանիքին մի բաժանեք մեր Հայաստանից։

Եթե պարզաբանումների և հարցումների կարիք լինի, շատ եմ խնդրում գրեք կամ զանգահարեք ինձ կամ Արթուր Գալստյանին

Մարի +352 621 16 38 11

Արթուր +374 91476632

Բացեք դռները շատ եմ խնդրում...

ՄԵՆՔ ԷԼ ՀԱՅ ԵՆՔ!

Շատ Շնորհակալություն

Dr. Marie Van Marcke - Iskenderian

Founder and President

The Magic Armenians NGO

www.afterapril24th2015.xn--am-efa: