ԱՀԿ-ում մեկնաբանել են խոզի գրիպի նոր շտամի մասին հրապարակումը
Խոզի գրիպի վիրուսը, որի մասին գրել են չինացի գիտնականները, նոր չէ, դա խոզի գրիպի տեսակ է, որն արդեն հայտնի է, Ժնեւում կայացած ճեպազրույցի ժամանակ ասել է ԱՀԿ արտակարգ իրավիճակների ծրագրի տնօրեն Մայքլ Ռայանը, փոխանցում է ՌԻԱ Նովոստի-ն:
«Կարեւոր է մարդկանց հանգստացնել, ասել, որ սա նոր վիրուս չէ, սա վիրուս է, որը վերահսկողության տակ է: Մենք հետեւում ենք նրան»,- ասել է նա:
Նրա խոսքերով՝ վիրուսը, որի մասին գրել են չինացի գիտնականները, եվրասիական խոզի գրիպի արդեն հայտնի շտամ է, որը նման է թռչնի գրիպին: Հրապարակումը պարունակում է տեղեկատվություն այս շտամի վրա համաճարակաբանական հսկողության, այդ թվում՝ խոզերի շրջանում դրա էվոլյուցիայի մասին։
Ընդ որում, ԱՀԿ-ն ակնկալում է համագործակցել Չինաստանի հետ՝ հետագա իրավիճակը ուսումնասիրելու համար: