ԱՄՆ-ում մեկ օրում հայտնաբերել են կորոնավիրուսի 41 556 նոր դեպք
ԱՄՆ-ում նոր տեսակի կորոնավիրուսով վարակման դեպքերի թիվը վերջին մեկ օրում ավելացել է 41,5 հազարով, ավելի քան 330 մարդ մահացել է, հայտնում է Ջոն Հոփքինսի համալսարանը, որն ընդհանրացնում է դաշնային եւ տեղական իշխանությունների, ինչպես նաեւ լրատվամիջոցների եւ այլ բաց աղբյուրների տվյալները, փոխանցում է «ՌԻԱ Նովոստի»-ն:
Համալսարանի տեղեկություններով՝ ԱՄՆ-ում վերջին 24 ժամում գրանցվել է վարակման 41 556 նոր դեպք եւ COVID-19-ով պացիենտների շրջանում 337 մահվան դեպք:
Մեկ օր առաջ այս ցուցանիշները կազմում էին համապատասխանաբար՝ 38 845 եւ 264:
Ջոն Հոփքինսի համալսարանի տվյալներով՝ ԱՄՆ-ում այս ամբողջ ժամանակահատվածում հայտնաբերվել է 2 590 582 վարակակիր, 126 հազարից ավելի մարդ մահացել է: Նշվում է, որ ապաքինվել է ավելի քան 705 հազար մարդ:
Համալսարանը հայտնում է, որ ամբողջ աշխարհում գրանցվել է վարակման ավելի քան 10,3 մլն դեպք եւ COVID-19-ի հետեւանքով 505 հազարից ավելի մահ: