ԱՄՆ-ում որոշել են գումար հավաքել Թրամփի յուրաքանչյուր թվիթի համար, որպեսզի խանգարեն նրան հաղթել ընտրություններում

ԱՄՆ Դեմոկրատական կուսակցությանը սատարող ակտիվիստներն ու կազմակերպությունները հիմնել են Defeat by Tweet («Հաղթել թվիթով») քաղաքական գործողությունների հանձնաժողովը, որպեսզի գումար հավաքեն ԱՄՆ նախագահի պաշտոնում Դոնալդ Թրամփի վերընտրվելու դեմ ուղղված քարոզարշավի համար՝ պետության ղեկավարի դեմ շրջելով համացանցում նրա ակտիվությունը: Այս մասին շաբաթ օրը ABC հեռուստաընկերությանը հայտարարել է նախաձեռնության հեղինակ Քսանդեր Շուլցը, հայտնում է ՏԱՍՍ-ը:

Նրա գնահատականով՝ գաղափարն այն է, որ օգտատերերը զոհաբերեն 1-10 ցենտ՝ Twitter-ում Թրամփի յուրաքանչյուր գրառման համար։ Այդ նվիրատվությունները գործող նախագահի անունից կփոխանցվեն սեւամորթ ամերիկացիների 15 քաղաքական կազմակերպություններին միավորող հիմնադրամին, որի նպատակն է նվազեցնել հանրապետականների հնարավորությունները ընտրություններում։

Նրա գնահատականով՝ Սպիտակ տան սեփականատերը Twitter-ում օրական միջինը 30 կամ ամսական 900 գրառում է կատարում: Defeat by Tweet հանձնաժողովը ակնկալում է, որ նախաձեռնությանը յուրաքանչյուր միացող ամսական մոտ 45 դոլար կնվիրաբերի: Եթե պետության ղեկավարի յուրաքանչյուր գրառման համար առնվազն մեկ միլիոն օգտագործող նվիրաբերի 2 ցենտ, ապա ամսական վճարները կկազմեն 18 միլիոն դոլար: Կազմակերպիչները նպատակ են դրել մինչեւ նոյեմբեր 50-100 միլիոն դոլար հավաքել «Թրամփի անունից»:

Նվիրատվությունների հավաքագրման համար ընտրվել է Momentum հարթակը: Շուլցին ծանոթ որոշ գործարարներ արդեն խոստացել են անհատույց 1 միլիոն դոլարի նվիրատվություն անել այս արշավի համար:

Ամերիկյան առաջնորդին կարելի է համարել Twitter-ի ամենահայտնի օգտատերերից մեկը: Նրա էջին, որը ստեղծվել է 2009-ին, բաժանորդագրված է 82,5 օգտատեր:

Թրամփն արդեն ապահովել է հանրապետականների կողմից իր առաջադրումը ընտրություններում, որոնք նախատեսված են նոյեմբերի 3-ին։ ԱՄՆ նախկին փոխնախագահ Ջոզեֆ Բայդենը նույնպես ապահովել է կուսակիցների բավականաչափ աջակցությունը։