Պարզվել է, որ առաջին լծկան շների ծննդավայրը Սիբիրն է
Սառցե դարաշրջանի գայլի, սիբիրյան հնագույն լայկայի եւ ժամանակակից գրենլանդական շների ԴՆԹ-ների՝ պալեոգենետիկ գիտնականների կողմից իրականացված վերլուծությունը ցույց է տվել, որ լծկան շների ընդհանուր նախնին մոտ տաս հազար տարի առաջ ապրել է Սիբիրում, հայտնում է Planet-Today-ը՝ վկայակոչելով Science-ը
«Գենետիկական ուսումնասիրությունը ցույց է տվել, որ այսօր գոյություն ունեցող բոլոր ցեղատեսակների լծկան շների արմատները դեպի Սիբիր են տանում: Մոտ տասը հազար տարի առաջ հենց Սիբիրում էին ապրում այն գենետիկական առանձնահատկությունների կրողները, որոնք պատասխանատու են լծկան շների՝ արկտիկական ծանր պայմաններին հարմարվելու համար»,- նշել է ուսումնասիրության ավագ հեղինակ Վլադիմիր Պիտուլկոն՝ Սանկտ Պետերբուրգի նյութական մշակույթի պատմության ինստիտուտից:
Ընդունված պարադիգմի շրջանակներում ենթադրվում է, որ հին մարդիկ շներին տնայնացրել են դեռ քարե դարաշրջանում: Շների տնայնացումը տեղի է ունեցել այդ թվում այն պատճառով, որ նրանց նախնիները պահպանումը տեղի է ունեցել նաև այն պատճառով, որ նրանց նախնիներն ամենակեր էին, այսինքն՝ կարող էին սնվել նույն սնունդով, ինչ եւ նախամարդիկ: Շների տնայնացման կոնկրետ ժամանակը դեռ չի պարզվել. Որոշներն ասում են, որ դա տեղի է ունեցել 15-18 տարի առաջ, ոմանք պնդում են, որ շները մարդու ընկերն են դարձել դեռ 36 տարի առաջ:
Հնագետներն ու գենետիկները Պիտուլկոյի ղեկավարությամբ ուսումնասիրել են հին սիբիրյան լայկայի աճյունը եւ վերլուծության արդյունքները համեմատել են այլ ԴՆԹ-ների արդյունքների հետ: Աշխատանքը ցույց է տվել, որ բոլոր լծկան շները ընդհանուր նախահայր ունեն, որն ապրել է Սիբիրում մոտ 10 հազար տարի առաջ: