Բրազիլիայի նախագահը ենթադրել է, որ արդեն կորոնավիրուս է տարել
Բրազիլիայի նախագահ Ժաիր Բոլսոնարուն խոստովանել է, որ կարող էր արդեն ասիմպտոմիկ կերպով կորոնավիրուս տանել, եւ հայտարարել է, որ ցանկանում է հակամարմինների թեստ հանձնել՝ պարզելու համար՝ արդեն հիվանդացել է, թե ոչ, փոխանցում է «ՌԻԱ Նովոստի»-ն:
«Ես չգիտեմ՝ ունեցել եմ կորոնավիրուս, թե ոչ: Ավելի վաղ ես երկու անգամ թեստ եմ հանձնել, երկուսի արդյունքներն էլ բացասական էին: Ոմանք կարծում են, որ ես ունեցել եմ կորոնավիրուս, ես ոչինչ չեմ զգացել, չգիտեմ: Գուցե եւս մի թեստ հանձնեմ՝ տեսնելու համար՝ ունեմ արդյոք հակամարմիններ: Կարծում եմ՝ ես ունեցել եմ այն»,- ասել է Բոլսոնարուն:
Ավելի վաղ Բրազիլիայի Դաշնային դատարանը որոշում էր կայացրել, որ Բոլսոնարուն պետք է հայտնի կորոնավիրուսի ախտորոշման իր հանձնած թեստի արդյունքների մասին: Կառավարությունը մայիսի կեսերին փոխանցել էր նախագահի՝ ավելի վաղ հանձնած թեստերի արդյունքները Գերագույն դատարան:
Մարտին Բոլսոնարուն պատվիրակության ուղեկցությամբ այցելել էր Միացյալ Նահանգներ, որի ավելի քան 20 անդամներն այնուհետեւ հիվանդացել էին կորոնավիրուսով: Նախագահը մի քանի թեստ էր հանձնել՝ ընդ որում, միշտ հերքելով, որ վարակված է:
Ավելի վաղ Դաշնային դատարանը Բոլսոնարուին պարտավորեցրել էր դիմակ կրել հասարակական վայրերում, հակառակ դեպքում նա ստիպված կլինի օրական 2000 ռեալ տուգանք (մոտ 387 ԱՄՆ դոլար) վճարել: