Օգտատերերից շատերը Թորոսյանի գրառման տակ հիշեցրել են նախարարին, թե որը պետք է լինի նրան հուզող թիվ մեկ թեման այս օրերին
Առողջապահության նախարար Արսեն Թորոսյան կարծես թե կրկին մոռացել է երկրում մոլեգնող ու արդեն հարյուրավոր մարդկանց կյանքեր խլած կորոնավիրուսի մասին ու նորից լծվել քաղաքական քարոզին։
Իշխանական թևից նախարարն առաջիններից մեկն է ֆեյսբուքում շտապել արձագանքել Սահմանադրական փոփոխության օրենքի սահամանադրականությունը վիճարկող ԲՀԿ դիմումը 26 ստորագրությունով ՍԴ ուղարկելու տեղեկությանը։
«ԲՀԿ մեր գործընկերներին, իրենց քաղաքական անցյալն ու ապագան վերաիմաստավորելուց զատ, վատ չէր լինի կրկնել դպրոցական հանրահաշիվը։
132/5=26.4, այսինքն անհրաժեշտ 1/5-ը 27 պատգամավոր է, ոչ թե 26»,– «Ֆեյսբուքում» գրել է նա։
Օգտատերերից շատերը Թորոսյանի գրառման տակ հիշեցրել են նախարարին, թե որը պետք է լինի նրան հուզող թիվ մեկ թեման այս օրերին։
Մեկնաբանություններից մի քանիսը ներկայացնում ենք ստորև։
«Ձեր մաթեմատիկական գիտելիքներով ավելի լավ կլիներ հաշվեիք, թե մարդիկ վերջին 3 ամսում ինչքան գումար են ծախսել կորոնավիրուսի բացահայտման հետազոտությունների (КТ), թեստերի և տանը բուժման վրա....կարող էիք նաև մի առաջարկով հանդես գալ Կառավարությունում, որ մասնավոր բուժհաստատությունները զեղչեր անեին կամ պետությունը հատուցեր գոնե դրանց մի մասը»։
«Ես կարծում եմ, որ «խելացի» առողջապահության նախարարարը հանում գումարումով, առավել ևս բաժանումով չպետք է զբաղվի, հատկապես հիմա։ Բաաայց...»։
«Պրն Թորոսյան, ի՞նչ կլինի, Ձեր գործը արեք՝ հանրահաշիվ դասավանդելու փոխարեն: Դրանով թող ուրիշները զբաղվեն: Ազգը կործանվում ա, Դուք ԲՀԿ ի հաշվարկների մեջ եք»։
«Առողջապահության նախարարը կորոնավիրուսի ուժգին բռնկման ժամանակ ԲՀԿ -ի հանրահաշիվ իմանալով է անհանգստացած։ Դուք ավելի լավ է ձեր ապագայով անհանգստացած եղեք,որովհետև ժողովուրդը չի ներելու այս անտարբերությունը»։
«Ախր պարոն Թորոսյան, վիրուսով զբաղվեք, Բարգավաճի անցյալն ու ներկան քննարկելու ժամանակ դուք չպիտի ունենաք։ Արդեն մեր երկիրը խիստ վտանգավոր է համարվում։ Փողոցներն ախտահանեք»։