Ֆրանսիայում հուլիսից կթույլատրվի հանդիսականների մուտքը ստադիոն
Ֆրանսիայի սպորտի նախարար Ռոքսանա Մարասիանուն հայտարարել է, որ հուլիսի վերջից երկրպագուները հնարավորություն կստանան այցելել ստադիոն և տրիբունաներից հետևել հանդիպումներին:
«Մեծ ցավ եմ ապրում, երբ տեսնում եմ դատարկ տրիբունաներով ֆուտբոլային հանդիպումները: Արդեն հուլիսից կթույլատրվի հանդիսականների մուտքը ստադիոն:
Իհարկե, սկզբնական փուլում ստադիոն կկարողանան մուտք գործել միայն սահմանափակ թվով հանդիսականներ»,- Մարասիանուի խոսքը փոխանցում է L'Equipe-ն:
Հիշեցնենք, որ կորոնավիրուսի պանդեմիայի պատճառով Ֆրանսիայի առաջնությունը վաղաժամ ավարտվել է, ՊՍԺ-ն ճանաչվել է չեմպիոն: