Վրաստանը հրաժարվել է հիդրօքսիքլորինի օգտագործումից կորոնավիրուսով վարակված հիվանդների բուժման համար

Վրաստանը հրաժարվել է «Պլեկվելինի» օգտագործումից կորոնավիրուսով վարակված հիվանդների բուժման համար: Համապատասխան որոշումը կայացվել էր այս շաբաթվա սկզբին կայացած COVID-19-ի կառավարման կլինիկական խմբի հանդիպմանը, հայտնում է «Նովոստի-Գրուզիա»-ն:

«Պլեկվենիլը» (հիդրօքսիքլորին) հակաալերգիկ դեղամիջոց է, որը չափավոր հակաբորբոքային ազդեցություն է ունենում աուտոիմունային հիվանդությունների դեպքում:

Մայիսի 25-ին Առողջապահության համաշխարհային կազմակերպությունը (ԱՀԿ) հայտարարել էր անվտանգության նկատառումներով հիդրօքսիքլորին փորձարկումների ժամանակավոր դադարեցնման մասին: Վերջերս արված ուսումնասիրությունը ցույց էր տվել, որ այս դեղամիջոցի օգտագործումը ոչ միայն անարդյունավետ չէ, այլեւ կարող է մեծացնել հիվանդի մահվան հավանականությունը:

Ինչպես հայտնի է, Վրաստանը ԱՀԿ-ի կողմից անցկացվող կորոնավիրուսի դեմ առավել խոստումնալից դեղամիջոցների Solidarity կլինիկական հետազոտությունների անդամ է: Առողջապահության փոխնախարար Թամար Գաբունիայի խոսքով՝ այս հանգամանքից ելնելով Վրաստանը որոշել է ժամանակավորապես դադարեցնել «Պլակվենիլի» օգտագործումը: Միեւնույն ժամանակ, նա նշել է, որ եթե ապագայում դեղամիջոցի անվտանգությունը հաստատվի լրացուցիչ ուսումնասիրություններով, երկիրը կրկին կվերադառնա դրա օգտագործմանը:

Այսօր Վրաստանի հիվանդությունների վերահսկման եւ հանրային առողջության ազգային կենտրոնի (NCDC) ղեկավար Ամիրան Գամկրելիձեն հայտնել է, որ «Պրեկվիլն» արդեն հանվել է ազգային արձանագրություններից: Նա շեշտել է, որ ԱՀԿ-ն մի քանի հեղինակավոր ուսումնասիրությունների վրա առաջարկություններ է ներկայացրել հիդրօքսիքլորինի փորձարկումների դադարեցման մասին: Միեւնույն ժամանակ, Գամկրելիձեն հավաստիացրել է, որ Վրաստանում «Պլակվենիլ» ընդունած որեւէ հիվանդի մոտ բարդություններ չեն առաջացել:

«Ես շեշտում եմ, որ Վրաստանում ոչ մի հիվանդ, որին բուժել են «Պլակվենիլով», բարդություններ չի ունեցել»,- ասել է նա:

NCDC-ի ղեկավարը հավելել է, որ, չնայած ԱՀԿ-ի առաջարկություններին, «Պլակվենիլը» այսօր շատ երկրներում շարունակում է օգտագործվել կորոնավիրուսով հիվանդների բուժման համար: Գամկրելիձեն նշել է, որ հիդրօքսիքլորինը նոր դեղամիջոց չէ եւ նախկինում այն ​​արդեն լավ ուսումնասիրվել է:

«Պարզապես կոբիդի ժամանակ կիրառման անալիզ եւ զննումներ են իրականացվել: Կան ուսումնասիրություններ, որտեղ, հակառակը, ցույց է տրվում դրա առավելությունները: ԱՀԿ-ն ժամանակավորապես դադարեցրել է«Պլակվենիլի» ընդգրկումը իր մեծ ուսումնասիրության մեջ»,- հայտարարել է նա:

Գամկրելիձեի խոսքով՝ ընդհանուր առմամբ, «Սոլդարություւն» ուսումնասիրությունը չորս դեղամիջոց էր ներառում, որոնք պոտենցիալ կերպով արդյունավետ են կորոնավիրուսի բուժման համար:

«Դուք գիտեք, որ ոչ մի դեղամիջոց կորոնավիրուսի վրա ուղիղ ազդեցություն ունենալու հնարավորություն չունի: Ելնելով դրանից՝ այս հիվանդության բուժումը եղել եւ մնում է միայն սիմպտոմատիկ եւ սինդրոմային: Առաջնային պլանում հակաջերմային դեղամիջոցներն են: «Ամենակարեւորը թթվածնի մատակարարումն է, ինչպես նաեւ մի շարք ուսումնասիրություններ, որոնց դեպքում մոնոկլոնային հակամարմիններ են օգտագործվում, վերականգնված պլազմայի փոխներարկում կամ այլ բան»,- հայտարարել է Գամկրելիձեն:

Արձանագրություններում, որոնք օգտագործվում են Վրաստանի կովիդ-կլինիկաներում, նաեւ «Լոպինավիր» եւ «Ռիտոնավիր» են ներառում:

Վրաստանում կորոնավիրուսով հիվանդների կառավարման եւ բուժման համար ներդրված համակարգն ԱՀԿ-ն հաջող է համարում:

Ընդհանուր առմամբ, փետրվարի 26-ից մայիսի 29-ը Վրաստանում հաստատվել է կորոնավիրուսով վարակման 757 դեպք: Այս պահի դրությամբ բուժվող մարդկանց ընդհանուր թիվը 600 է, այսինքն՝ վերականգնվել է բոլոր վարակվածների ընդհանուր թվի գրեթե 80 տոկոսը:

Կորոնավիրուսից երկրում 12 հիվանդ է մահացել: Հիվանդանոցներում շարունակում է բուժում ստանալ 146 հիվանդ: Կարանտինի ռեժիմում գտնվում է 2 966 քաղաքացի: