Վոլոչկովայի անվան հետ կապված հերթական սկանդալը. ոմն գործարար Վլադիսլավ Ֆոմենկոն մանրամասներ է հրապարակել նրա հետ իր բուռն, բայց արագընթաց սիրավեպից (Լուսանկար)

Անաստասիա Վոլոչկովայի անվան հետ կապված հերթական սկանդալը. ոմն գործարար Վլադիսլավ Ֆոմենկոն մանրամասներ է հրապարակել Անաստասիա Վոլոչկովայի հետ իր բուռն, բայց արագընթաց սիրավեպից։

Նա պնդում է, որ բալետի պարուհու հետ ծանոթացել է 2014թ.-ին Նոր Ռիգայում, եւ իրենք սիրահարներ են դարձել։ Նրանց բուռն սիրավեպը հինգ ամիս է տեւել. արդյունքում բալետի նախկին պարուհին հղիացել է, սակայն Ֆոմենկոն մինչ այժմ չգիտի, թե ինչ է տեղի ունեցել երեխայի հետ։

Զույգը բաժանվել է պարուհու դավաճանության պատճառով. Ֆոմենկոն նրան բաղնիքում «բռնացրել» է վարորդի հետ։ Գործարարի խոսքով՝ Անաստասիան այդ պահին հղիության հինգերորդ ամսում է եղել, եւ կլորացած որովայնն արդեն նկատելի էր, ինչը երեւում է զույգի համատեղ լուսանկարներում։ Սակայն բաժանությունից հետո Ֆոմենկոն այլեւս չի կարողացել կապ հաստատել արտիստի հետ (վերջինս նրան սեւ ցուցակում է ավելացրել) եւ պարզել իրենց՝ դեռ ծնված երեխայի ճակատագիրը, ինչի առնչությամբ ապրումներ ունի մինչեւ հիմա։

«Նաստյա, ի՞նչ է տեղի ունեցել մեր երեխայի հետ։ Եթե նա ծնվել է ու մեծանում է, ի՞նչ է եղել նրա հետ։ Նրան քո մա՞յրն է դաստիարակում, թե դու նրան օտար մարդկանց ես տվել»,- բաց նամակում Վլադիսլավը դիմել է Վոլոչկովային։

Սակայն բալետի նախկին պարուհին հերքում է գործարարի բոլոր պահանջները։ Նա պնդում է, որ երբեք չի հանդիպել Ֆոմենկոյի հետ։ Պարզապես նա կառուցել է իր տունն ու մի անգամ խնդրել համատեղ լուսանկար անել, իսկ հիմա այս կերպ գովազդվում է իրա անվան շնորհիվ։ Ընդ որում, համատեղ լուսանկարում գործարարը, չգիտես՝ ինչու, խալաթ է կրում, գրկել է Վոլոչկովային՝ բազմոցին նստած…

Վլադիսլավը չի պատրաստվում հանձնվել, առավել եւս որ Վոլոչկովայի հետ սիրավեպի պատճառով կործանվել է իր ընտանիքը։ Նա սպառնում է Անաստասիայի հետ անձնական լուսանկարներ ու տեսանյութեր հրապարակել։ Նրա նպատակն է այլ տղամարդկանց նախազգուշացնել նախկին պարուհու հետ ծանոթությունից, որին շրջապատում «Նաստյա փոշեկուլ» են անվանում, քանի որ նա գումար է վերցնում ունեւոր երկրպագուներից, գրում է «Կոմսոմոլսկայա պրավդա»-ն։