на Русском
Ջաթին Շարման որոնվում է որպես անհետ կորած
Հենրի Քավիլն առաջին անգամ հայր կդառնա
Կարանտինի պատճառով բրիտանուհին չի կարողացել ատամնաբույժի կողմից ընդունվել և փորձել է ատամն ինքնուրույն հեռացնել աքցանով
Բրիտանուհին գործն իր ձեռքն է վերցրել եւ փորձել սեփական ատամը հեռացնել այն բանից հետո, երբ երկրում կորոնավիրուսի համաճարակի դեմ պայքարի շրջանակում մտցված կարանտինի պատճառով չի կարողացել ատամնաբույժի կողմից ընդունվել, փոխանցում է Fox News-ը:
41-ամյա Ֆեյ Ռեյվորդն արթնացել է «հոգեվարքի մեջ» եւ հայտնաբերել, որ ատամներից մելի լիցքը պոկվել է՝ «նյարդը մերկացնելով»:
«Ցավն ավելի վատթար էր, քան ծննդաբերության ժամանակ: Ես երբեք նման ցավ չէի զգացել, դեմքս շամփրում էր»,- ասել է նա:
Կինը փորձել է զանգահարել իր ատամնաբույժին, բայց սահմանափակումների պատճառով չի կարողացել ընդունելության գրանցվել:
«Դա ուղղակի սարսափելի էր: Ես Facebook-ում հրապարակեցի օգնության եւ խորհրդի խնդրանքով ուղերձ այն բանից հետո, երբ չկարողացա ատամնաբույժի մոտ ընդունելության գրանցվել: Հասկացա, որ միակ միջոցը սեփական ատամը հանելն է: Դա տանջալից բան էր, եւ ինձ հաջողվեց այն միայն տեղաշարժել»:
Ատամը հեռացնելու համար նա հարթաշուրթ աքցան է վերցրել, բայց անհաջողության է մատնվել: «Ծանր փորձություններից» հետո նրան հաջողվել է ատամնաբույժի մոտ հայտնվել:
«Հենց նրանք ատամս հեռացրին, միանգամից թեթեւացա: Ատամը մինչեւ վերեւ ջարդվել էր, բայց դեռեւս լնդին կպած էր»,- ասել է նա:
