«Պարզ չէ՝ երբ կհանդիպենք». Աննա Սեդոկովան կորոնավիրուսի պատճառով չորս ամիս չի տեսել դստերը

Երգչուհի Աննա Սեդոկովան արդեն չորս ամիս է՝ չի կարողանում տեսնել դստերը՝ Մոնիկային: Ծնողների բաժանումից նա երեխան ԱՄՆ-ում ապրում է հոր՝ գործարար Մաքսիմ Չերնյավսկիի հետ։ Կորոնավիրուսի հետեւանքով սահմանափակումների արդյունքում երկրների սահմանները փակ են, այդ պատճառով բազմազավակ մայրը ոչ մի կերպ չի կարողանում տեսակցել ութամյա դստերը, հայտնում է «Կոմսոմոլսկայա պրավդա»-ն։

«Ես կարոտում եմ մայիսը Թուրքիայում։ Այնտեղ մենք տաս համերգ ենք ունեցել, եւ Մոնան գալիս էր ինձ մոտ։ Ստացվում է, որ ես նրան չեմ տեսել արդեն գրեթե չորս ամիս, եւ անհասկանալի է՝ երբ մենք կհանդիպենք»,- պատմել է Սեդոկովան։

Մոնիկան ԱՄՆ-ում է ապրում։ Ամուսնալուծությունից հետո, որով զբաղվել է Լոս Անջելեսի դատարանը, Աննա Սեդոկովայի ամուսինը որոշել է երգչուհուն զրկել ծնողական իրավունքներից, որպեսզի նա երեխային Ռուսաստան չտանի։ Արտիստը երկար ժամանակ փորձել է պահպանել գոնե երկրի սահմաններից դուրս եւ առանց կողմնակի անձանց Մոնիկային տեսնելու իրավունքը։ Սկզբնական շրջանում Աննային թույլատրվում էր դստերը տեսակցել միայն խնամակալության օրգանների աշխատակացիների ներկայությամբ։ Մոր ու դստեր՝ միասին անցկացրած ամբողջ ժամանակը հսկվում էր 24 ժամ։

Դատական պայքարից մի քանի ամիս անց միայն Աննան իրավունք ստացավ դստերը տեսակցել առանց կողմնակի անձանց եւ ցանկացած երկրում Ռուսաստանի սահմաններից դուրս։ Երգչուհին հաճախ է մեկնում օվկիանոսից այն կողմ՝ Մոնիկային տեսակցելու համար։

Աննա Սեդոկովան երեք երեխա ունի։ Ավագ դուստրը՝ 15-ամյա Ալինան, լույս աշխարհ է եկել ֆուտբոլիստ Վալենտին Բելկեւիչի հետ ամուսնության ընթացքում, որը 2014թ.-ին հանկարծամահ է եղել։ Երկրորդ դուստրը՝ 8-ամյա Մոնիկան, Մաքսիմ Չերնյավսկու հետ հարաբերությունների ընթացքում է ծնվել։ Կրտսեր երեխային՝ Հեկտորին, Սեդոկովան լույս աշխարհ է բերել 2017թ.-ին գործարար Անտոն Կոմարովից, որից երգչուհին բաժանվել է ծննդաբերությունից անմիջապես հետո։