Ոստիկանները 8 հոգով լցվել էին վրաս, սոցիալական հեռավորություն էին պահանջում․ ցուցարար
Այն ժամանակ օրական 10-15 հազար դրամ առնում էինք, իսկ հիմա նստել սպասում ենք չգիտենք մինչեւ երբ: Այս մասին այսօր՝ մայիսի 20-ին, կառավարության դիմաց լրագրողների հետ զրույցում նշեց բողոքի ակցիայի մասնակիցներից մեկը:
Նշենք, որ բողոքի էին ելել ռեստորանների աշխատակիցները, հանիդսավարները, որոնք պահանջում էին թույլ տալ իրենց աշխատել:
Հարցին, թե ոնց են ապահովելու ռեստորաններում սոցիալական հեռավորությունը, նա պատասխանեց. «Եթե մենք այստեղ այսքան մարդ հավաքվել է, արդեն չենք ապահովում այդ հեռավորությունը: Կարո՞ղ եք բացատրել, թե ԱԺ նիստի ժամանակ ոնց են պահպանում սոցիալական հեռավորությունը: Թե՞ որ իրենք պատգավաոր են, իրենց չի կպնում վիրուսը: Ներկա պահին ոստիկանները խմբով իրար վրա հավաքված են: Մի քիչ առաջ ոստիկաններն ինձնից սոցիալական հեռավորություն էին ուզում, ես իրենց հետ խոսակցություն ունեցա, ու իրենք 8 հոգով լցվել էին վրես ու ինձնից սոցիալական հեռավորություն էին պահանջում:
Երեք ամիս ոչ մի կոպեկ չենք ստացել, դանակը ոսկորին է հասել, դուրս ենք եկել մեր բողոքը հայնելու: Հազար հոգանոց գործարաններ կան, որ աշխատում են: Ինչ-որ ձեւ կա չէ՞, որ ապահովելով աշխատում են: Հիմա մեզ էլ թող ձեւն ասեն, մենք նույն ձեւով պահենք դա»:
Հարցին, թե ոնց եք պատկերցնում մարդիկ դիմակներով ու ձեռնոցներով գնան հարսանիքի, ցուցարարը պատասխանեց. «Պետք չի ձեռնոցով ու դիմակով լինեն, ուղղակի թող ներս մտնողներին ստուգեն, ջերմությունը չափեն, նոր ներս թողնեն»: