Ռուսաստանը կորոնավիրուսի հետ կապված իրավիճակի «կայունացման փուլ» է մտել

Ռուսաստանում COVID-19 կորոնավիրուսի տարածման դանդաղեցումը ցույց է տալիս, որ երկրում իրավիճակը մտել է «կայունացման փուլ»: Այս մասին ՏԱՍՍ-ին հայտարարել է Ռուսաստանում Առողջապահության համաշխարհային կազմակերպության (ԱՀԿ) ներկայացուցիչ ներկայացուցիչ Մելիտա Վույնովիչը:

Սակայն, նրա խոսքով, անհրաժեշտ է հասնել նոր վարակումների թվի հետագա կրճատմանը, քանի որ հիվանդության լիակատար հաղթահարումը դեռ հեռու է:

«Սա մարաթոնի է նման, եւ ես կասեի, որ մենք դեռ ճանապարհի կեսն ենք անցել»,- ասել է Վուժնովիչը: ԱՀԿ ներկայացուցիչը նշել է, որ վարակների թվի անկման դրական միտումը պահպանելու համար շատ կարեւոր է շարունակել պահպանել հիվանդության դեմ պայքարի նպատակով ներդրված սահմանափակումները:

«Սա շատ զգայուն պահ է, որը ֆիզիկական հեռավորության հետագա պահպանում (նույնիսկ՝ որոշ սահմանափակումների վերացման պարագայում), ձեռքերի մանրակրկիտ հիգիենա, դեպքերի հայտնաբերում, թեստավորում, բուժում եւ մեկուսացում է պահանջում»,- ասել է նա:

Ռուսաստանում վերջին օրվա ընթացքում կորոնավիրուսով վարակման 8764 նոր դեպք է գրանցվել, ինչը նվազագույն ցուցանիշ է դարձել մայիսի 1-ից ի վեր, իսկ օրվա ընթացքում ապաքինված մարդկանց թիվն առաջին անգամ գերազանցել է նոր դեպքերի քանակը. բժիշկները 9262 մարդ են դուրս գրել հիվանդանոցներից: Ռուսաստանում վարակման դեպքերի ընդհանուր թիվը գերազանցել է 308.7 հազարը, 2972 ​​մարդ մահացել է, 135-ը՝ ՝ վերջին օրվա ընթացքում: