Լապորտա. Եթե հաղթեմ ընտրություններում, կփորձեմ Գվարդիոլային վերադարձնել «Բարսելոնա»
Կատալոնական «Բարսելոնայի» նախկին նախագահ Ժոան Լապորտան հայտարարել է, որ «Բարսելոնայի» նախագահական ընտրություններում հաղթելուց հետո կփորձի թիմ վերադարձնել Խոսեպ Գվարդիոլային:
«Եթե հաղթեմ նախագահական ընտրություններում, կփորձեմ «Բարսելոնա» վերադարձնել Գվարդիոլային:
Նա հիմա «Մանչեսթեր Սիթիի» գլխավոր մարզիչն է, սակայն «Բարսելոնայի» երկրպագուները ցանկանում են նրան կրկին տեսնել ակումբում»,- Լապորտայի խոսքը փոխանցում է Cope-ն:
Հիշեցնենք, որ Ժոան Լապորտան «Բարսելոնայի» 38-րդ նախագահն է: Կատալոնացի քաղաքական գործիչն ակումբը ղեկավարել է 2003-2008 թվականներին:
Ժոան Լապորտան իր թեկնածությունն առաջադրել էր նաև 2015 թվականին տեղի ունեցած ընտրություններում, սակայն ստացած ձայների քանակով պարտվեց կատալոնական ակումբի գործող նախագահ Խոսեպ Մարիա Բարտոմեուին:
«Բարսելոնայի» նախագահի ընտրությունները տեղի կունենան 2021 թվականի հունիսի 30-ին: