«Ամեն դեպքում հարցազրույց չեմ տալիս». Սասուն Միքայելյանը հեռացավ՝ անպատասխան թողնելով լրագրողների հարցերը
Ազգային ժողովում «Իմ քայլը» խմբակցության պատգամավոր Սասուն Միքայելյանն այսօր՝ մայիսի 11-ին, չցանկացած պատասխանել լրագրողների հարցերին, որոնք վերաբերում էին ԱԺ-ում օրար առաջ տեղի ունեցած ծեծկռտուքին:
«Ամեն դեպքում ես հարցազրույց չեմ տալիս: Շնորհակալություն հարցի համար»,-ասաց նա ու հեռացավ:
Ավելի վաղ հայտնել էինք, որ մայիսի 8-ին ԼՀԿ խմբակցության ղեկավար Էդմոն Մարուքյանի ելույթի ժամանակ իրավիճակը թեժացավ եւ ԱԺ դահլիճում իսկական ծեծկռտուք սկսվեց: Տեղից «Իմ քայլի» պատգամավոր Սասուն Միքայելյանը սպառնաց, որ «կցխի», որից հետո Մարուքյանն իջավ ամբիոնից, մոտեցավ Միքայելյանին, վերջինս էլ հարձակվեց Մարոեւքյանի վրա՝ հարվածներ հասցնելով: Այդ խառնաշփոթի մեջ, երբ շատերը փորձում էին բաժանել, Մարուքյանին հարվածեցին նաեւ «Իմ քայլը» խմբակցության պատգամավորներ Արտակ Մանուկյանը եւ Վահե Ղալումյանը:
«Լուսավոր Հայաստանը» հայտարարեց, որ լքում է ԱԺ նիստերի դահլիճը եւ սպասում է քաղաքական հետեւանքների: