5 Ապրիլ, 2020 9:00

Եթե ուզեի կորոնավիրուսից փախչել, Դանիայից կփախնեի Հայաստան. Ստեղ վիճակը շատ ավելի վատ է. 8 ամսական հղի եմ, ընտանիքս Դանիայում է, որոշել եմ ֆիզարձակուրդն անցկացնել իրենց հետ. Տաթևիկ Ռևազյան

5 Ապրիլ, 2020 9:00 Հասարակություն

Եթե ես ուզենայի կորոնավիրուսից փախչել, ինձ թվում է՝ ես Դանիայից կփախնեի դեպի Հայաստան և ոչ հակառակը. ստեղ վիճակը շատ ավելի վատ է։ Այս մասին Հանրային հեռուստաընկերության եթերում հայտարարել է Քաղաքացիական ավիացիայի կոմիտեի նախագահ Տաթևիկ Ռևազյանը` անդրադառնալով ԶԼՄ-ներում նրա հասցեին հնչող մեղադրանքներին, և հատկապես այն փաստին, որ Կորոնավիրուսի համաճարակից փորձել է խուսանավել երկիրը լքելով և մեկնելով Դանիա:

«Ես 8 ամսական հղի եմ, իմ ընտանիքը Դանիայում է, և ես որոշել եմ ֆիզարձակուրդն անցկացնել ընտանիքիս հետ»,-ասել է նա։

Հիվանդանոցների տեխնիկական հագեցվածության եւ բժիշկների վերաբերմունքի առումով, Տաթևիկ Ռևազյանի կարծիքով, Հայաստանն ավելի շահեկան վիճակում է։ «Երեկ հիվանդանոց եմ գնացել, ընդհանրապես նույն տեխնիկան չունեն, ինչպես Հայաստանում, բժիշկները նույն կերպ ուշադիր չեն, ինչպես Հայաստանում: Ես զուտ ուզել եմ իմ ընտանիքի կողքին լինել, ես սովոր եմ հեռակա աշխատանքի էլ: Ես հիմա պաշտոնապես դեկրետում եմ, բայց ամեն օր կոմպյուտերի առաջ աշխատում եմ»,- ասել է նա:

Հիշեցնենք, ավելի վաղ Operativ լրատվականը հաղորդել էր, որ Տաթևիկ Ռևազյանը անդրադարձել էր մամուլի հրապարկումներին, թե Միջազգային ավիացիոն կազմակերպությունը, այսպես ասած` լիցենզիայից զրկել է Հայաստանի Քաղաքացիական ավիացիայի պետական կոմիտեին, ինչը շատ վատ հետևանքներ կարող է ունենալ մեր ողջ քաղաքացիական ավիացիայի և մասնավորապես, օդաչուների համար, որոնց պարզապես կարող են թույլ չտալ թռչել:

Տաթևիկ Ռևազյանը Հանրային հեռուստաընկերության եթերում ուղիղ տեսակապի միջոցով հայտարարել էր, որ այժմ Եվրոպայում շատ ընթացակարգեր են փոփոխվում կորոնավիրուսի հետևանքով, և դա կարող է ազդեցություն ունենալ նաև այս ոլորտում:

Այս թեմայով