Արցախցին ընտրել էր «Ազատ հայրենիք» կուսակցությանն ու լուսանկարել քվեաթերթիկը
Հոգեբան Միհրդատ Մադաթյանն ֆեյսբուքյան իր էջում հրապարակել է տեսանյութ, որտեղ Արցախի Հանրապետության նախագահի եւ Աժ ընտրություններին մասնակցող քաղաքացին լուսանկարել է իր քվեաթերթիկը։
Դիտորդները ընտրատեղամասի հանձնաժողովի նախագահի թույլտվությամբ ուսումնասիրեցին ընտրողի հեռախոսը։
Հանձնաժողովի նախագահը հանդիմանեց քաղաքացուն, թե ինչո՞ւ է լուսանկարել, եթե գիտի ընտրություն կատարելու օրենքը. «Դուք իրավունք չունեք նկարելու»։
Դիտորդները վերցրին քաղաքացու հեռախոսը եւ տեսան, որ քաղաքացին ընտրել է «Ազատ հայրենիք» կուսակցությունը։
Դիտորդները խնդրեցին քաղաքացուն, որպեսզի հեռացնի այդ լուսանկարը։
Դիտորդի հարցին՝ որքա՞ն գումար են տվել, որպեսզի ընտրություն անի, քաղաքացին ասաց, որ իրեն գումար չեն տվել։