G20-ի երկրները 5 տրիլիոն դոլար կներդնեն համաշխարհային տնտեսությունում՝ համավարակի ֆինանսական հետևանքները հաղթահարելու համար

«Մեծ քսանյակի» երկրները ավելի քան 5 տրիլիոն դոլար կներդնեն համաշխարհային տնտեսությունում՝ կորոնավիրուսի համավարակի ֆինանսական հետևանքները հաղթահարելու համար: ТАСС գործակալության փոխանցմամբ՝ այս մասին ասվում է G20-ի ղեկավարների գագաթնաժողովի համատեղ հայտարարության մեջ, որը հրապարակվել է տեսահամաժողովի ավարտին:

«Ներկա պահին մենք հրատապ և վճռական միջոցներ ենք ձեռնարկում մեր տնտեսություններին աջակցելու համար: Մենք ավելի քան 5 տրիլիոն դոլար ենք ուղղում համաշխարհային տնտեսությանը՝ նպատակային ֆինանսական քաղաքականության, տնտեսական միջոցառումների և համավարակի սոցիալական, տնտեսական և ֆինանսական հետևանքներին դիմակայելու երաշխիքների շրջանակներում»,- ասվում է փաստաթղթում:

«Կորոնավիրուսի աննախադեպ համավարակը հզոր հիշեցում է մեր փոխկապակցվածության և խոցելիության մասին: Վիրուսը սահմաններ չի ճանաչում: Մենք վճռականորեն հանդես կգանք միասնական ճակատով այդ ընդհանուր սպառնալիքի դեմ»,- ասվում է հայտարարության մեջ:

Հիշեցնենք, որ այսօր տեղի է ունեցել G20-ի երկրների ղեկավարների արտահերթ գագաթնաժողովը, որն առաջին անգամ անցկացվել է տեսահամաժողովի ձևաչափով