Հանրայինում գովազդային հոլովակների տեղադրումը կապահովի 250 մլն դրամի լրացուցիչ եկամուտ. ԱՆ
Հայաստանի Հանրային հեռուստատեսության ներկայացուցիչները կարծում են, որ գովազդային հոլովակների տեղադրման հնարավորության վերականգնմամբ իրենք կստանան մոտ 250 մլն դրամ եւ ավելի լրացուցիչ ֆինանսներ, որն այնքան էլ շատ չէ: Այս մասին մարտի 25-ին ԱԺ նիստում «Հեռուստատեսության եւ ռադիոյի մասին» օրենքում փոփոխություններ եւ լրացումներ կատարելու մասին օրինագծի քննարկման ժամանակ ասաց արդարադատության փոխնախարար Վահե Դանիելյանը:
Փոխնախարարը նշեց, որ 2014 թվականի փոփոխություններից հետո, որը Հանրայինին զրկել է գովազդային հոլովակների տեղադրումից միջոցներ ստանալու հնարավորությունից, Հայաստանի Հանրային հեռուստատեսությունը կորցրել է շուրջ 1,2 մլրդ դրամ: «Կառավարությունը փոխհատուցել է միայն 800 մլն դրամը»,- հայտնեց Դանիելյանը՝ հավելելով, որ գովազդից ստացվող միջոցները, միեւնույն է, չեն բավականացնի իշխանության գլխավոր խոսափողի ամբողջական վերազինմանը: