Ողբերգական վթար Արարատում. Toyota Land Cruiser-ը մի քանի պտույտ գլորվել է և հայտնվել դաշտում.կա 1 զոհ, 4 վիրավոր

Արարատի մարզում, այսօր՝ մարտի 20-ին, խոշոր ու ողբերգական ավտովթար է տեղի ունեցել. ժամը 13։00-ի սահմաններում Toyota Land Cruiser մակնիշի 99 GD 099 համարանիշի ավտոմեքենայի վարորդը Երեւան-Երասխ ավտոճանապարհի 27 կմ հատվածում դեպի Երեւան ընթանալիս դեռեւս անհայտ հանգամանքներում դուրս է եկել ճանապարհի երթեւեկելի գոտուց, մոտ 200 մետր մի քանի պտույտ շրջվելով՝ կողաշրջված վիճակում հայտնվել դաշտում։

Shamshyan.com-ի հաղորդմամբ, վթարի հետեւանքով 5 հոգի, որոնց առաջինը օգնության են հասել քաղաքացիներն ու ԱԻՆ-ի Փրկարար ծառայության աշխատակիցները, տեղափոխվել են «Արտաշատ» բժշկական կենտրոն։

Ավելի ուշ «Արտաշատ» բժշկական կենտրոնից ահազանգ է ստացվել, որ վիրավորներից մեկը, գիտակցության չգալով, մահացել է։

Աղբյուրի տեղեկություններով՝ նշված ավտոմեքենան հաշվառված է Կապան քաղաքի բնակիչ՝ 35-ամյա Վարդան Գեւորգյանի անվամբ։