Վայոց Ձորի նախկին մարզպետը բողոքի ակցիա էր անում

Վայոց Ձորի նախկին մարզպետ  Տրդատ Սարգսյանը, որը բնակվում է  Ծարավ աղբյուր 55/5 հասցեում , անմիջապես շենքի բակում վիճաբանում էր մի շարք քաղաքացիների հետ։ Ինչպես hraparak.am-ը պարզել է, նախկին մարզպետի եւ իր կողմնակիցների՝ հարեւանների, վեճը կապված է իրենց շենքի դիմաց սեփական տներ կառուցող սեփականատերերի հետ։

Բանն այն է, որ քոթեջների կոյուղագծերը պետք է միացվեն Ծարավ աղբյուր 55/5-ի կոյուղագծին, ինչին շենքի բնակիչները դեմ են։

Շենքի բնակիչները պնդում են, որ դա իրենց սեփականությունն է եւ իրենք պետք է որոշեն՝ միանալու են նոր կոյուղագծերը իրենց շենքի կոյուղագծին, թե ոչ։

Սեփականատերերն էլ իրենց հերթին նշում են, որ քաղաքապետարանը թույլտվություն է տվել, որ իրենց գործողությունները օրինական են։

«Մենք բոլոր թույլտվությություններն ունենք։ Մի անգամ արդեն շինարարությունը կասեցվել է, բայց նորից թույլտվությունը եկել է։ Կոմունալ բաժինը թույլտվությունը տվել է, որ մենք լրիվ օրինական ենք։ «Վեոլիան» էլ տվել է տեխպայմանագիրը եւ ասում է, որ սա իմ գիծն է։ Երբ շոչիկները դնում են, ավտոմատ այդ գիծը դառնում է «Վեոալյաի» սեփականությունը»,- «Հրապարակի» հետ զրույցում ասաց սեփականատերերից մեկը։

Վայոց Ձորի նախկին մարզպետը իմքայլականների  լրատվամիջոցներին եւս սեւերի եւ սպիտակների բաժանելու ավանդույթին համաձայն հրաժարվեց ելույթ ունենալ «Հպարարակի» տեսախցիկի առաջ։

Կողմերին հանդիպեց նաեւ «ՎԵՈԼԻԱ ՋՈՒՐ»-ի ներկայացուցիչը։

««Վեոլիա ջուրը» ի՞նչ։ Իրենց ներկայացուցիչն ասեց՝ գնացեք դիմում գրեք, թող ասեն՝ գիծը մերն է, թե ումն է»,- մեզ հայտնեց սեփականատերերից մեկը։