Օձի տեսքով ականջօղեր կրեք և նկուղ իջեք. Ժաննա Լևինայի խորհուրդները՝ կորոնավիրուսից պաշտպանվելու համար

Ժաննա Լևինան՝ հայտնի հումորիստ Գարիկ Մարտիրոսյանի կինը, COVID-19-ին «տրոլինգի է ենթարկել» Instagram-ում արված զվարճալի հրապարակմամբ։

«Օրերս գնչուհուց մեծ օձերի տեսքով ոսկե ականջօղեր գնեցի։ Նա երդվեց, որ դրանք օգնում են չվարակվել կորոնավիրուսով, բարձրացնում իմունիտետը և վերացնում են աչքով տալը։ Իսկ եթե դրա հետ մեկտեղ դիմակ կրեմ, քիմիական պաշտպանության կոստյում, ձեռնոց և մի քանի ամիս թաքնվեմ նկուղում, ես, հստատ, դրա դիմաց հատուցում կստանամ»,- գրել է նա։

Հետևորդներին դուր է եկել հումորը։ «Ես պարզապես հիանում եմ ձեր հումորով ու ինքնահեգնանքով։ Շարունակեք այդպես», «Հիմա բոլորը կսկեն օձեր գնել», «Գլխավորը, որ մառանը գինու լինի»… Իսկ Գարիկը կնոջը երեք սիրտ է «ուղարկել» ի նշան հիացմունքի։

Ի դեպ, շոումենը ևս հրապարակում է արել կորոնավիրուսի մասին՝ բոլորին կոչ անելով հանգստություն պահպանել։ «Ողջույն բոլորին։ Բոլորս, իհարկե, տեղյակ ենք կորոնավիրուսի հետ կապված իրավիճակին։ Ձեզ կոչ ենք անում, նույնիսկ եթե չեք հավատում համաճարակին և վարակը վտանգավոր չեք համարում, մտածել ձեր և մտերիմների առողջության նկատմամբ պատասխանատու մոտեցման անհրաժեշտության մասին։ Դա այնքան էլ բարդ չէ: Խուսափեք արտասահման մեկնելուց։

Տեսանյութն՝ այստեղ:

Եթե դուք կամ ձեր մտերիմները վերջերս վերադարձել ենք ինչ-որ տեղից (վարակն արդեն ամբողջ մոլորակում է) 14 օր մնացեք տանը, նույնիսկ եթե առկա չեն հիվանդության ախտանշաններ, բայց հանուն վարակի տարածման կանխման։ Եթե ձեզ վատ եք զգում, շտապօգնություն կանչեք և աշխատեք նվազագույն շփում ունենալ այլ մարդկանց, հատկապես տարեցների հետ։ Կանխարգելման նպատակով՝ ձեռքերը մշտապես լվացեք օճառով և ախտահանող միջոց օգտագործեք։ Հանդիպելիս մի համբուրվեք և ձեռք մի սեղմեք։ Ձեռք մի տվեք դեմքին։ Աշխատեք չուտել հանրային վայրերում։ Խուսափեք մարդկանց մեծ կուտակումներից։ Խուճապի մի մատնվեք։ Եվ թույլ մի տվեք մտերիմների խուճապի մատնվել»,- գրում է նա։