Արցախում մյուս թեկնածուների ֆոնին առանձնանում են Արցախի Հերոս Վիտալի Բալասանյանն ու Արցախի նախկին պետնախարար Արայիկ Հարությունյանը. քաղաքագետ

Արցախում մյուս թեկնածուների ֆոնին առանձնանում են Արցախի Հերոս Վիտալի Բալասանյանն ու Արցախի նախկին պետնախարար եւ «Ազատ Հայրենիք» կուսակցության ղեկավար Արայիկ Հարությունյանը: Այս մասին NEWS.am-ի հետ զրույցում ասաց քաղաքագետ Էդուարդ Սարիբեկյանը:

«Ելնելով նախընտրական քարոզչության ընթացքից, հարցումների արդյունքներից եւ փորձագետների գնահատականից՝ կարելի է եզրակացություն անել, որ հենց նրանց միջեւ է ծավալվում հիմնական պայքարը»,- նշեց փորձագետը:

Նրա խոսքով՝ մյուս թեկնածուները ապահովում են ընդհանուր ֆոնը եւ որոշ մեսիջներ են փորձում հասցնել իրենց ընտրողներին:

«Նման իրավիճակը հատուկ է բոլոր պետություններին, որտեղ ժողովրդավարական պրոցեսներ, այդ թվում ընտրություններ են ընթանում»,- նշեց Սարիբեկյանը:

Քաղաքագետը հավելեց, որ եթե որեւէ ֆորսմաժորային իրավիճակ չլինի, ապա պատկերն էապես չի փոխվի:

Հիշեցնենք, որ Արցախում նախագահական եւ խորհրդարանական ընտրություններ կանցկացվեն մարտի 31-ին:

Բացի Բալասանյանից եւ Հարությունյանից՝ ընտրություններին մանսակցում են Ռուսլան Իսրայելյանը («Անկախության Սերունդ» կուսակցություն), Արցախի ԱԳՆ ղեկավար Մասիս Մայիլյանը, Սերգեյ Ամիրյանը, Արցախի Պապհանողական կուսակցության ղեկավար Դավիթ Բաբայանը, Դավիթ Իշխանյանը («Հայ Հեղափոխական Դաշնակցություն» կուսակցություն), Արցախի խորհրդարանի խոսնակ Աշոտ Ղուլյանը, Քրիստինա Բալայանը, Հայկ Խանումյանը («Ազգային վերածնունդ» կուսակցություն), Վահան Բադասյանը («Միացյալ Հայաստան» կուսակցություն), Բելլա Լալայանը, Մելսիկ Պողոսյանը, Աշոտ Դադայանը: