Իսակովի պողոտայում տներից մեկում հրդեհ է բռնկվել
Հայաստանի ԱԻՆ-ում, փետրվարի 24-ին, ժամը 22:12-ին Ճգնաժամային կառավարման ազգային կենտրոն ահազանգ է ստացվել, որ Երեւանի Իսակովի պողոտայի տներից մեկին կից այրվում է խորդանոց:
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 22:29-ին, մարվել՝ 22:59-ին: Խորդանոցը (մոտ 8 քմ) մասամբ այրվել է: