Թուրքիան ՄԱԿ-ի ԱԽ-ում հայտարարել է իր ինքնապաշտպանության իրավունքի մասին Սիրիայի հյուսիս-արեւմուտքում

Թուրքիան ՄԱԿ-ի հետ միասին աշխատում է Սիրիայի հետ հակամարտությունը խաղաղ ճանապարհով լուծելու ուղղությամբ, սակայն հայտարարել է իր ինքնապաշտպանության իրավունքի մասին: Այս մասին հինգշաբթի օրը հայտարարել է ՄԱԿ-ում Թուրքիայի մշտական ներկայացուցիչ Ֆերիդուն Սինիրլիօղլուն՝ ելույթ ունենալով ՄԱԿ-ի Անվտանգության խորհրդի արտահերթ նիստին, որը հրավիրվել էր Միացյալ Նահանգների, Մեծ Բրիտանիայի եւ Ֆրանսիայի կողմից` Իդլիբում տիրող իրավիճակի շուրջ, հայտնում է ՏԱՍՍ-ը:

«Թուրքիան հավատում է խաղաղ կարգավորմանը եւ աշխատում է ՄԱԿ-ի հետ` դրան հասնելու համար,- ասել է նա:- Այնուամենայնիվ, Թուրքիան երբեք չի հանդուրժի թշնամական գործողությունները: Թուրքիան լուրջ պատասխան կտա ցանկացած ռազմական գործողությանն իր դեմ»:

«Ես հայտարարում եմ մեր ինքնապաշտպանության իրավունքի մասին. սա նախազգուշացում է,- հավելել է երկրի մշտական ներկայացուցիչը: - Մենք հետ չենք կանչի մեր ռազմական ուժերը եւ չենք հրաժարվի դիտորդական կետերից»:

Սինիրլիօղլուն դիմել է ՄԱԿ-ում Սիրիայի մշտական ներկայացուցիչ Բաշար Զաֆարիին` հայտարարելով, որ նա ոչ լեգիտիմ իշխանությունների է ներկայացնում եւ չպետք է գտնվի Անվտանգության խորհրդի դահլիճում: «Սիրիական ռեժիմը դիտավորյալ կերպով հարձակվել է թուրքական ուժերի վրա,- ասել է դիվանագետը:- Այս հարձակման միջոցով Սիրիան ցանկանում է իմ երկիրը ներքաշել կեղտոտ պատերազմի մեջ»:

Սիրիայի պատասխանը

Զաֆարին, իր հերթին, մեղադրել է թուրք զինվորականներին «Զաբհաթ ան-Նուսրա» խմբավորմանն աջակցություն ցուցաբերելու համար, որը ահաբեկչական բանաձև է ճանաչվել ՄԱԿ-ի Անվտանգության խորհրդի կողմից: «Մի քանի ժամ առաջ Հալեպի մերձակայքում հանդիպում է տեղի ունեցել թուրք զինվորականների եւ «Զաբհաթ ան-Նուսրա»-յի միջև. նրանք մասնակցում էին համատեղ հարձակմանը: Ես ուզում եմ իմանալ ձեր գնահատականը այս տեղեկությունների վերաբերյալ»,- դիմել է նա ՄԱԿ-ի Անվտանգության խորհրդի անդամներին:

Անցած օրվա ընթացքում ահաբեկչական խմբավորումները 31 անգամ հրթիռակոծություն է իրականացրել Լաթաքիա, Իդլիբ և Համա նահանգներում ` դրանով իսկ խախտելով հրադադարի ռեժիմը Իդլիբի դեէսկալացիոն գոտու տարածքում:

Թուրք զինվորականներն առաջին անգամ համատեղ պարեկման չեն ներկայացել փետրվարի 3-ին՝ Իդլիբ նահանգում գիշերային միջադեպի ֆոնին: Այդ ժամանակ Սարաքիբի արվարձաններում թուրքական զորքերի դիրքերը հայտնվել էին սիրիական բանակի գնդակոծության տակ, որի հետեւանքով զոհվել էր 5 զինծառայող եւ 3 մարդ քաղաքացիական անձնակազմից: Անկարայի պնդմամբ՝ սիրիական բանակը նախօրոք է տեղեկացվել թուրքական ուժերի տեղադրության մասին: Նույն օրը Թուրքիայի նախագահ Թայիփ Էրդողանը հայտարարել էր, որ թուրքական ավիացիան եւ հրետանին ի պատասխան հարվածներ են հասցրել Իդլիբում 40 թիրախների:

Սիրիայում պատերազմող կողմերի հաշտեցման ռուսական կենտրոնը (մտնում է ՌԴ պաշտպանության նախարարության մեջ) իր հերթին նշել է, որ լույս երկուշաբթի գիշերը Թուրքիայի զինծառայողները հայտնվել են կառավարական ուժերի գնդակոծության տակ, քանի որ թուրքական կողմը Ռուսաստանին չի զգուշացրել իր առաջխաղացման մասին: Սիրիական զորքը կրակ է բացել ահաբեկիչների վրա, որոնք նահանջում էին դեպի Սարաքիբ: