Կիևի կենտրոնում բողոքի ցույցեր են սկսվել հողի վաճառքի մասին օրենքի ընդունման դեմ (Տեսանյութ)
Գերագույն Ռադայի դիմաց հողատերերը բողոքի ցույց են անցկացնում. նրանք պահանջում են թույլ չտալ հողի շուկայի մասին օրենքի ընդունումը, որի օգտին պատգամավորները կարող են այսօր քվեարկել և այդպիսով վերացնել հողի վաճառքի մորատորիումը, հայտնում է «Ուկրաինա 112»-ը:
Եթե ի սկզբանե ցուցարարները պահանջում էին հետաձգել օրենքը եւ հանրաքվե անցկացնել, ինչպես նաեւ` կանոններ ընդունել, ըստ որոնց բաժնետոմսեր գնելու իրավունք կունենա պետությունն ու տեղական ինքնակառավարման մարմինները, ապա այսօր նրանք պատգամավորներին կոչ են անում երկարաձգել մորատորիումը:
Հայտնի է, որ փետրվարի 9-ին երկրորդ ընթերցմամբ օրինագծում փոփոխություններ են կատարվել, ըստ որոնց՝ օտարերկրացիներն իրավունք կունենան ուկրաինական հողեր գնել միայն հանրաքվեից հետո: Փոփոխվել էր նաև մեկ անձին հողի վաճառքի սահմանափակումը. օրինագծի առաջին տարբերակի համեմատ, կրճատել են 20 անգամ` 200 հազարից` մինչև 10 հազար հեկտար: Համաուկրաինական ագրարային խորհրդի նախագահ Անդրեյ Դիկունի խոսքով՝ առաջին փուլում անմիջապես հողի շուկա կբացվի իրավաբանական և ֆիզիկական անձանց համար, և դա ռիսկեր է պարունակում:
«Արեւելյան Եվրոպայի երկրներից մեր բոլոր հարեւանները մեզ զգուշացնում են՝ չի կարելի հողի շուկան միաժամանակ բացել ֆիզիկական եւ իրավաբանական անձանց համար: Անհրաժեշտ է գնալ փուլ առ փուլ, աստիճանաբար: Անհրաժեշտ է գնալ քայլ առ քայլ. շուկան բացում ենք, սկսում ենք ֆիզիկական անձանցից, աշխատեցինք մի քանի տարի, մեզ մոտ ամեն ինչ կարգին է, հակաարշավ չկա, դատարանն աշխատեց, աստիճանաբար անցնում ենք իրավաբանական անձանց»,- ասել է նա:
Անդրեյ Դիկունը նաեւ նշել է, որ կառավարությունը վերջին ամիսներին ֆերմերներին խնդրում է չանհագստանալ եւ խոստանում է հողօգտագործողներին ֆինանսավորել հողի շուկայի միջոցով, բայց ոչ ոք իրական գործիք չի տեսնում:
Ազգային ոստիկանությունից հայտարարել են, որ իրավապահները Ազգային գվարդիայի զինծառայողների հետ համատեղ ուժեղացված հերթապահության են անցել, որ հասարակական կարգի խախտումներ թույլ չտան եւ ապահովեն մայրաքաղաքի կենտրոնում նախպատեսված ակցիաների խաղաղ անցկացումը:
Հիշեցնենք, որ Գերագույն ռադայի ղեկավար Դմիտրի Ռազումովը հայտարարել էր, որ ժողովրդական պատգամավորները արդեն հինգշաբթի՝ փետրվարի 6-ին, երկրորդ ընթերցմամբ քննարկելու են հողի շուկայի մասին օրինագիծը, եթե անցեն կանոնակարգով նախատեսված բոլոր նորմերը: