Իռլանդական կարգավորիչը օգտատերերի տվյալները մշակելու միջոցի համար հետաքննություն է սկսել Google-ի և Tinder-ի հանդեպ
Իռլանդական կարգավորիչները երկու առանձին հետաքննություն են սկսկել Google ընկերության եւ ռոմանտիկ ծանոթությունների Tinder հավելվածի հանդեպ՝ կապված օգտատերերի տվյալները մշակելու միջոցի հետ, հայտնում է Associated Press-ը։
Իռլանդիայի տեղեկատվական պաշտպանության հանձնաժողովը երեքշաբթի օրը հայտարարել է, որ որոշել է ԵՄ տարածքում օգտատերերի խմբի բողոքների հիման վրա Google-ի՝ գտնվելու վայրը որոշելու դիտարկում անցկացնել։
Սկսվել է ընկերության իռլանդական ստորաբաժանման հանդեպ հետաքննությունը՝ պարզելու համար, թե չունի՞ արդյոք Google-ը օգտատերերի գտնվելու վայրի մասին տվյալների մշակման օրինական իրավունք, եւ որքանով է դա համապատասխանում տեղեկատվության թափանցիկության պարտավորություններին, որոնք սահմանվել են Իռլանդիայի տեղեկատվական պաշտպանության հանձնաժողովի կանոններով։
Իր հերթին, Google-ում հանձնաժողովի հետ լիարժեք համագործակցության պատրաստակամություն են հայտնել եւ հայտարարել են, որ ընկերությունն անցյալ տարի մի շարք փոփոխություններ է կատարել՝ նպատակ ունենալով բարձրացնել թափանցիկության եւ գտնվելու վայրի մասին տեղեկատվության վերահսկողության մակարդակը։
Կարգավորիչը նաեւ հետաքննություն է սկսել Tinder հավելվածի հանդեպ՝ հիմնվելով օգտատերերի տվյալների մշակման առնչությամբ իռլանդացիների եւ ընդհանրապես եվրոպացիների մտահոգության վրա։