Ցանկանում ենք հաղթող թիմ ստեղծել. Սուլշեր
Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերը հայտարարել է, որ իր գլխավորած թիմը հաջորդ մրցաշրջանում պայքարելու է բոլոր գավաթների համար:
«Ցանկանում ենք հաղթող թիմ ստեղծել: Այս մրցաշրջանում փորձեցինք հնարավոր ամեն ինչ, հասկացանք մեր սխալները, հասկացանք՝ որ դիրքերում ունենք համալրման կարիք:
Վստահ եմ, որ հաջորդ մրցաշրջանում «Մանչեսթեր Յունայթեդը» պայքարելու է ինչպես Անգլիայի չեմպիոնության, այնպես էլ Չեմպիոնների լիգայում հաղթանակի համար»,- Sky Sports-ի հաղորդմամբ՝ ասել է նորվեգացի մասնագետը:
Տեղեկացնենք, որ Պրեմյեր լիգայի մրցաշարային աղյուսակում «Մանչեսթեր Յունայթեդն» այժմ 34 միավորով 5-րդ տեղում է: