Ռազմիկ Աբրահամյանի խափանման միջոցի վերաբերյալ որոշումը կհրապարակվի վաղը
Վերաքննիչ քրեական դատարանը վաղը կհրապարակի ՀՀ նախկին գլխավոր գինեկոլոգ, երեխաների ապօրինի որդեգրման գործով մեղադրյալ Ռազմիկ Աբրահամյանի խափանման միջոցի վերաբերյալ որոշումը։ Այս մասին NEWS.am-ին հայտնեց Ռազմիկ Աբրահամյանի պաշտպան Սամվել Դիլբանդյանը։
«Դատարանը հեռացել է խորհրդակցական սենյակ։ Որոշումը կհրապարակվի վաղը՝ ժամը 12։00-ին»,-ասաց նա։
Հիշեցնենք, որ Ռազմիկ Աբրահամյանին առաջին ատյանի դատարանն ազատ էր արձակել կալանքից։ Դրանից հետո Դատախազությունը որոշումը բողոքարկել էր։
Նշենք, որ Ռազմիկ Աբրահամյանին մեղադրանք է առաջադրվել քրեական օրենսգրքի 167-րդ հոդվածի 2-րդ մասի 2-րդ կետով (Ծնողներից երեխային ապօրինի բաժանելը կամ երեխային փոխելը) եւ 200 հոդվածի 3-րդ կետով (առեւտրային կաշառք):
Հիշեցնենք, որ Ռազմիկ Աբրահամյանից բացի մեղադրանք է առաջադրվել նաեւ փոխտնօրեն Արշակ Ջերջերյանը, «Երեւանի մանկան տուն» ՊՈԱԿ-ի տնօրեն Լիանա Կարապետյանը։ Լիանա Կարապետյանը Դատախազության բողոքարկմամբ՝ կալանավորվել է։