Հունաստանի ոստիկանությունը 1,2 տոննա կոկաին է առգրավել թմրավաճառների հանցախմբից
Հունաստանի ոստիկանությունը առգրավել է 1,2 տոննա կոկաին, ձերբակալել ութ օտարերկրացու, որոնք միջազգային հանցավոր կազմակերպության անդամ են եղել։ Նրանք Կարիբյան ավազանից կոկաին էին մատակարարում Եվրոպա և Աֆրիկայի հյուսիս-արևմուտք, հայտնում է Հունաստանի ոստիկանությունը РИА Новости-ին տված հայտարարության մեջ:
Սա թմրանյութերի դեմ պայքարի բաժնի խոշորագույն գործողություններից է: Հանցագործ խմբավորումը պարբերաբար ծովային ճանապարհով Կարիբյան ավազանից դեպի Եվրոպա և Աֆրիկա է տեղափոխել զգալի քանակությամբ կոկաին, ասվում է հաղորդագրության մեջ:
Հետաքննությունը տևել է ավելի քան վեց ամիս, որում ներգրավված էին Աթենքում ԱՄՆ դեսպանատան թմրամիջոցների հարկադիր կատարման վարչության (DEA) գրասենյակը, Ալբանիայի և Իսպանիայի ոստիկանությունը, Հունաստանի ֆինանսների նախարարությանը կից ֆինանսական ոստիկանությունը և Հունաստանի թմրանյութերի և թրաֆիքինգի դեմ պայքարի ափամերձ վարչությունը։ Գործողությունները տեղի են ունեցել հունվարի 24-ին, Ատտիկայի մի քանի շրջաններում միաժամանակ:
Ձերբակալվել են ութ օտարերկյա քաղաքացի, մեկ ռևոլվեր, երեք ատրճանակ, «Կալաշնիկով» հրացան, առգրավվել են տարբեր տրամաչափի մեծաքանակ փամփուշտներ: Բացահայտվել են ևս 9 մարդ։ Սկսվել է հետաքննություն, հայտարարվել հետախուզում Հունաստանում և նրա սահմաններից դուրս: